ఏపీ హైకోర్టు చీఫ్ జస్టిస్‌గా ధీరజ్ సింగ్ ఠాకూర్ ప్రమాణం.. గవర్నర్ సమక్షంలో బాధ్యతల స్వీకరణ
ఈ వార్తాకథనం ఏంటి
ఆంధ్రప్రదేశ్ హైకోర్టు ప్రధాన న్యాయమూర్తిగా జస్టిస్ ధీరజ్ సింగ్ ఠాకూర్ ప్రమాణ స్వీకారం చేశారు. ఏపీ గవర్నర్ అబ్దుల్ నజీర్ శుక్రవారం ఠాకూర్ తో ప్రమాణం చేయించారు.
కార్యక్రమానికి ముఖ్యమంత్రి వైఎస్ జగన్మోహన్ రెడ్డి, ప్రతిపక్ష నేత, టీడీపీ అధినేత చంద్రబాబు నాయుడుతో పాటు పలువురు మంత్రులు, ఉన్నతాధికారులు హాజరయ్యారు.
జులై 5న భారత ప్రధాన న్యాయమూర్తి డీవై చంద్రచూడ్ నేతృత్వంలోని సుప్రీంకోర్టు కొలీజియం సిఫారసుల మేరకు కేంద్ర న్యాయ మంత్రిత్వ శాఖ గ్రీన్ సిగ్నల్ ఇచ్చింది.
ఈ మేరకు బాంబే ఉన్నతన్యాస్థానంలో న్యాయమూర్తిగా కొనసాగుతున్న ఠాకూర్ ను ఏపీ హైకోర్టు సీజేగా నియమిస్తూ కేంద్రం ఉత్తర్వులు జారీ చేసింది.
DETAILS
2022 జూన్ 10న బాంబే హైకోర్టుకు బదిలీ అయిన ఠాకూర్
బాంబే హైకోర్టులో న్యాయమూర్తి బాధ్యతల నుంచి తప్పుకున్న ధీరజ్ సింగ్ ఠాకూర్, గురువారం రాత్రి ఆంధ్రప్రదేశ్ రాజధాని అమరావతికి చేరుకున్నారు.
గవర్నర్ సమక్షంలో శుక్రవారం ఉదయం జరిగిన పదవీ స్వీకారోత్సవ కార్యక్రమంలో రాష్ట్ర హైకోర్టు ప్రధాన న్యాయమూర్తిగా బాధ్యతలు చేపట్టారు.
జస్టిస్ ఠాకూర్ 1989లో దిల్లీ బార్ కౌన్సిల్ లో పేరు నమోదు చేసుకుని న్యాయవాది వృత్తిలోకి ప్రవేశించారు. అనంతరం కొంత కాలానికే జమ్మూకాశ్మీర్ బార్ కౌన్సిల్ కు తరలివెళ్లి అక్కడ న్యాయవాదిగా ప్రాక్టిస్ చేశారు.
ఈ క్రమంలోనే 2011లో సీనియర్ అడ్వకేట్ గా ప్రమోషన్ పొందారు. 2013 మార్చి 8న ఆ రాష్ట్ర హైకోర్టులో శాశ్వత జడ్జిగా నియామకమయ్యారు. 2022 జూన్ 10న బాంబే హైకోర్టుకు ట్రాన్ఫర్ అయ్యారు.