Kcr Security : కేసీఆర్'కు Z PLUS సెక్యూరిటీ తొలగింపు.. ఇకపై Y కేటగిరికి కుదింపు
ఈ వార్తాకథనం ఏంటి
తెలంగాణ ప్రభుత్వం మరో కీలక నిర్ణయం తీసుకుంది. మాజీ ముఖ్యమంత్రి కేసీఆర్'కు భద్రతను కుదించింది.
ఇప్పటి వరకు జడ్ ప్లస్ కేటగిరీ భద్రత(Z PLUS SECURITY)లో ఉన్న కేసీఆర్'కు ఇక నుంచి Y కేటగిరీ భద్రతను అందించనున్నారు.
ఈ మేరకు వై కేటగిరీ భద్రత కింద 4 ప్లస్ 4 గన్ మెన్లతో పాటు, ఇంటి దగ్గర సెంట్రీ ఉంటుంది. కాన్వాయ్'కు సంబంధించి ఒక వాహనాన్ని సైతం అందిస్తారు.
మంత్రులుగా పని చేసి, ప్రస్తుతం ఎమ్మెల్యేలుగా ఉన్న వారికి 2 ప్లస్ 2 భద్రతను కల్పిస్తున్నారు. మాజీ ఎమ్మెల్యేలకు, కార్పొరేషన్ల ఛైర్మన్లకు భద్రతను పూర్తిగా తొలగించారు.
DETAILS
మాజీ మంత్రులకు తగ్గిన భద్రత
కాంగ్రెస్ ప్రభుత్వం అధికారంలోకి వచ్చిన తర్వాత ముఖ్యమంత్రి రేవంత్ రెడ్డి పలు అంశాలపై సమీక్షలు నిర్వహిస్తున్నారు.
ఇందులో భాగంగానే ప్రముఖుల సెక్యూరిటీపైనా సమీక్ష సమావేశం నిర్వహించారు. మాజీల్లో భద్రత అవసరమైన వారికి, ఏజెన్సీ ఏరియాలో ఉన్న వారికి గన్ మెన్లను ఇచ్చే అవకాశం ఉంది.
వీరికి సంబంధించి పూర్తిగా మరోసారి సమీక్ష అనంతరమే గన్ మెన్ల కేటాయింపుపై తుది నిర్ణయం తీసుకోనున్నారు.
మాజీలకు సైతం తప్పదు :
ప్రస్తుతం ఎమ్మెల్యేలుగా ఉన్న మాజీ మంత్రులకు 2+2 గన్ మెన్లను కేటాయించింది.ఇంటెలిజెన్స్ అధికారుల సూచనల మేరకు గన్మెన్లను పోలీసు శాఖ అలాట్ చేయనుంది.
ఇదే సమయంలో మజ్లిస్ ఎమ్మెల్యే అక్బరుద్దీన్, భారతీయ జనతా పార్టీ ఎమ్మెల్యే రాజాసింగ్ విషయంలో భద్రతను గతంలో లాగే యథావిధిగా కొనసాగిస్తోంది.