ఇక ఉపాధ్యాయులను 'సార్', 'మేడమ్' అని పిలవరు, కేరళ పాఠశాలల్లో కొత్త ఒరవడి
ఈ వార్తాకథనం ఏంటి
పాఠశాలల్లో పాఠాలు బోధించే గురువును సంబంధించే అంశంపై కేరళ బాలల హక్కల కమిషన్ కీలక ఆదేశాలు జారీ చేసింది. స్కూళ్లలో ఉపాధ్యాయుడిని 'సార్' అని, ఉపాధ్యాయురాలినిని మేడమ్ అని సంభోదించవద్దని పేర్కొంది. పాఠశాలల్లో ఈ రెండు పదాలకు బదులుగా ఇద్దరినీ 'టీచర్' అని సంబోధించాలని సూచించింది.
ఈ మేరకు రాష్ట్రంలోని అన్ని ప్రభుత్వ, ప్రైవేటు పాఠాశాల యాజమాన్యాలకు మార్గ దర్శకాలను జారీ చేయాలని విద్యాశాఖను ఆదేశించింది.
విద్యార్ధి దశలోనే సార్, మేడమ్ అంటూ.. లింగబేధాలను చూపించొద్దని, అందరూ సమానమే అని చాటి చెప్పడానికి ఈ నిర్ణయం తీసుకున్నట్లు బాలల హక్కల కమిషన్ వివరణ ఇచ్చింది.
కేరళ
'ఉపాధ్యాయలు-విద్యార్థుల మధ్య బంధం మరింత బలపడుతుంది'
వాస్తవానికి గత వారమే.. టీచర్ అనే పదాన్ని ఇద్దరికీ ఉపయోగించే విధంగా చర్యలు తీసుకోవాలని కేరళ బాలల హక్కల కమిషన్ ఆదేశించింది. తాజాగా ఆ ఆదేశాలకు అనుగుణంగా ఉత్తర్వులు జారీ చేసింది.
సార్, మేడమ్ అని పిలవడం వల్ల వేర్వేరురు అనే భావనలు కలుగుతాయని, టీచర్ అని పిలవడం వల్ల ఉపాధ్యాయలు- విద్యార్థుల మధ్య బంధం మరింత బలపడుతుందని కేరళ బాలల హక్కల కమిషన్ ఈ సందర్భంగా వివరణ ఇచ్చింది.
అయితే కేరళ బాలల హక్కల కమిషన్ తీసుకున్న నిర్ణయంపై సోషల్ మీడియాలో నెటిజన్లు హర్షం వ్యక్తం చేస్తున్నారు.