TDP : టీడీపీ పొలిట్ బ్యూరోలో కీలక నిర్ణయం.. కడపలో మహానాడు..!
ఈ వార్తాకథనం ఏంటి
టీడీపీ పొలిట్ బ్యూరో కీలక భేటీ జరిగింది. మూడున్నర గంటల పాటు టీడీపీ కేంద్ర కార్యాలయంలో జరిగిన ఈ సమావేశంలో ప్రధానమైన అంశాలపై చర్చించారు.
మే నెలలో నిర్వహించనున్న మహానాడు కార్యక్రమాన్ని కడపలో నిర్వహించాలని పొలిట్ బ్యూరో నిర్ణయించింది.
మహానాడు అనంతరం పార్టీకి సంబంధించి సంస్థాగత మార్పులు చోటుచేసుకునే అవకాశం ఉందని తెలుస్తోంది.
వివరాలు
పార్టీ ఎన్నికల ప్రక్రియపై చర్చ
టీడీపీ అధినేత చంద్రబాబు నాయుడు నేతృత్వంలో నిర్వహించిన పొలిట్ బ్యూరో సమావేశంలో పార్టీ సంస్థాగత ఎన్నికల ప్రక్రియపై ప్రాధాన్యతతో చర్చించుకున్నారు.
త్వరలోనే పార్టీ ఎన్నికల నోటిఫికేషన్ విడుదల కానుందని సమాచారం.
మే నెలలో జరుగనున్న మహానాడుకు ముందే పార్టీ సంస్థాగత ఎన్నికల ప్రక్రియ పూర్తిచేయాలని నిర్ణయించారు.
నామినేటెడ్ పదవుల భర్తీ & ఎమ్మెల్యేల ప్రణాళిక
పొలిట్ బ్యూరో సమావేశంలో నామినేటెడ్ పదవుల భర్తీపై సుదీర్ఘంగా చర్చించారు.
అసెంబ్లీ సమావేశాల అనంతరం ఎమ్మెల్యేలు ప్రజల్లోకి వెళ్లేలా ప్రత్యేక కార్యాచరణ రూపొందించారు.
ప్రభుత్వ పథకాలను ప్రజల్లోకి సమర్థవంతంగా తీసుకెళ్లే విధంగా కార్యాచరణను సిద్ధం చేశారు. పార్టీ సభ్యత్వ నమోదుపై కూడా సమాలోచనలు జరిగాయి.
వివరాలు
పొలిట్ బ్యూరోలో తీసుకున్న ముఖ్య నిర్ణయాలు:
పార్టీ సంస్థాగత ఎన్నికల ప్రక్రియ ప్రారంభించాలని నిర్ణయం.
మూడు నెలల వ్యవధిలో గ్రామ స్థాయి నుంచి రాష్ట్ర స్థాయి కమిటీల వరకు ఎన్నికలు పూర్తి చేయాలి.
మహానాడులో చంద్రబాబును మరోసారి టీడీపీ అధ్యక్ష పదవికి ఎన్నుకునే కార్యాచరణ సిద్ధం.
సంస్థాగత ఎన్నికల ప్రక్రియ మహానాడు వరకు కొనసాగి, అధ్యక్షుడిగా చంద్రబాబు ఎన్నికైన తర్వాత ముగుస్తుంది.
బడుగు, బలహీన వర్గాలకు కమిటీల్లో ప్రాధాన్యత ఇవ్వాలని పార్టీ నిర్ణయం.
వివరాలు
నామినేటెడ్ పదవులపై సుదీర్ఘంగా చర్చ
మూడో దఫా నామినేటెడ్ పదవుల భర్తీ కోసం అర్హుల జాబితా సిద్ధం.
ఒకటి రెండు రోజుల్లోనే మూడో దఫా నామినేటెడ్ పదవుల జాబితా విడుదలకు ప్రణాళిక.
అసెంబ్లీ సమావేశాల అనంతరం మార్చి నుంచి ఎమ్మెల్యేలు, పార్టీ యంత్రాంగం ప్రజల్లోకి వెళ్లేందుకు కార్యాచరణ.
ప్రజల్లోకి వెళ్లి ప్రభుత్వ కార్యక్రమాలను ప్రజలకు వివరిస్తూ ప్రత్యేక ప్రణాళిక అమలు.
వివరాలు
తాజా రాజకీయ పరిణామాలపై చర్చ
నారా లోకేశ్ పార్టీ సంస్కరణలపై ప్రత్యేక దృష్టి సారిస్తున్నారు. ఒకే వ్యక్తి మూడుసార్లు కన్నా ఎక్కువ పదవి నిర్వహించకుండా ఉండేలా మార్పులు తీసుకురావాలని, కొత్తవారికి అవకాశం కల్పించేలా చర్యలు తీసుకోవాలని ఆయన అభిప్రాయపడ్డారు.
ఈ నిర్ణయాలతో పార్టీ కార్యాచరణలో మరింత స్పష్టత తీసుకువచ్చే ప్రయత్నం చేయనున్నారు.