బిహార్లో దారుణం.. ఆస్పత్రిలో రోగిపై తుపాకీ కాల్పులు
బిహార్ రాష్ట్రంలో దారుణం చోటు చేసుకుంది. ఆస్పత్రిలోకి చొరబడిన ఓ ఆగంతకుడు రోగిపై ఘోరంగా కాల్పులు జరిపిన ఘటన ఆర్రాహ్ పట్టణంలో జరిగింది. అనారోగ్యం కారణాలతో పట్టణంలోని ఆస్పత్రిలో ఓ వ్యక్తి చేరాడు. గురువారం రాత్రి 7 గంటల సమయంలో మరో వ్యక్తి (దుండగుడు)ఆస్పత్రిలోకి చొరబడ్డాడు. అనంతరం ఒక్కసారిగా సదరు రోగిపై కాల్పులకు తెగబడ్డాడు. గమనించిన పక్కనున్న వారు తేరుకుని నిందితుడ్ని పట్టుకునేలోగా పారిపోయాడు. మరోవైపు బుల్లెట్ గాయానికి గురైన బాధితుడికి వైద్యులు హుటాహుటిన చికిత్స అందించారు. ఈ మేరకు ఘటనపై ఆస్పత్రి సిబ్బంది పోలీసులకు ఫిర్యాదు చేశారు. కేసు నమోదు చేసుకున్న పోలీసులు, నిందితుడి కోసం గాలిస్తున్నారు. ఈ నేపథ్యంలోనే ఆస్పత్రిలోని సీసీ కెమెరాల ద్వారా నిందితుడ్ని గుర్తించేందుకు ప్రయత్నిస్తున్నారు.
