AP Govt: ఏపీలో భారీగా ఐఏఎస్‌ల బదిలీలు
ఈ వార్తాకథనం ఏంటి
ఆంధ్రప్రదేశ్‌లో భారీగా ఐఏఎస్‌లను బదిలీ చేస్తూ రాష్ట్ర ప్రభుత్వం ఉత్తర్వులు జారీ చేసింది. ముఖ్యమంత్రి చంద్రబాబు నాయుడు గత కొన్ని రోజులుగా ఈ బదిలీలపై తీవ్ర కసరత్తు చేశారు. మంచి పనితీరు కనబరిచిన, సమర్థవంతంగా సేవలందించిన అధికారులను ప్రోత్సహిస్తూ, సక్రమమైన నిర్ణయాలు తీసుకోవాలని ఉన్నతాధికారులకు స్పష్టంగా సూచనలు చేశారు. ఈ మేరకు ప్రభుత్వం అనిల్ కుమార్ సింఘాల్‌ను ఈవో (ఎగ్జిక్యూటివ్ అధికారి)గా నియమిస్తూ తక్షణ ఉత్తర్వులు జారీ చేసింది. ప్రస్తుతం ఈవోగా బాధ్యతలు నిర్వర్తిస్తున్న శ్యామల రావును జీఎడీ ముఖ్య కార్యదర్శిగా నియమించింది.
వివరాలు
రోడ్లు భవనాలు ప్రత్యేక ప్రధాన కార్యదర్శిగా కృష్ణబాబు
రోడ్లు, భవనాల విభాగానికి ప్రత్యేక ప్రధాన కార్యదర్శిగా కృష్ణబాబును, రెవెన్యూ, ఎక్సైజ్ విభాగానికి ప్రిన్సిపల్ సెక్రటరీగా ముఖేష్ కుమార్ మీనాను నియమించారు. మైనార్టీ సంక్షేమ శాఖ కార్యదర్శిగా సీహెచ్ శ్రీధర్‌ను, అటవీ, పర్యావరణ శాఖ కార్యదర్శిగా కాంతిలాల్ దండేను అధికారికంగా బాధ్యతలు చేపట్టాలని ప్రభుత్వం ఉత్తర్వులు జారీ చేసింది. గవర్నర్‌ ప్రత్యేక ప్రధాన కార్యదర్శిగా అనంతరామ్‌ కుటుంబ సంక్షేమశాఖ కార్యదర్శిగా సౌరభ్‌ గౌర్‌ ఆంధ్రప్రదేశ్‌ భవన్‌ రెసిడెంట్‌ కమిషనర్‌గా ప్రవీణ్‌ కుమార్ పరిశ్రమలు, కార్మికశాఖ కమిషనర్‌గా శేషగిరిబాబు రెవెన్యూ (ఎండోమెంట్‌) కార్యదర్శిగా హరి జవహర్‌లాల్‌ నియమితులయ్యారు.