MEA Memo: భారతీయ దౌత్యవేత్తలపై 'రహస్య మెమో'.. స్పదించిన విదేశాంగ శాఖ
ఖలిస్థానీ సానుభూతిపరుడు నిజ్జర్ హత్య నేపథ్యంలో భారత్-కెనడా మధ్య దౌత్య సంబంధాలు కఠినంగా మారాయి. ఈ పరిణామాల నడుమ, సోషల్ మీడియాలో ఒక సీక్రెట్ మెమో చర్చనీయాంశంగా మారింది. ఈ మెమోలో భారత విదేశాంగ శాఖ కెనడాలోని ఖలిస్థానీ వేర్పాటువాదుల పట్ల జాగ్రత్తగా ఉండాలని విదేశీ దౌత్యవేత్తలకు ఆదేశాలు ఇచ్చినట్లు పేర్కొంది. అయితే, ఈ వార్తలపై భారత విదేశాంగ శాఖ స్పందిస్తూ, ఆ మెమో నకిలీదని స్పష్టం చేసింది. ఈ నెల మొదట్లో సామాజిక మాధ్యమాల్లో "భారత విదేశాంగ మంత్రిత్వ శాఖ సీక్రెట్ మెమో" పేరుతో ఓ మెమో వైరల్ అయింది.
మెమో అబద్ధమని ఖండించిన భారత ప్రభుత్వం
2023 ఏప్రిల్ నాటి మెమోలో, భారత దౌత్యవేత్తలకు కెనడాలో ఖలిస్థానీ వేర్పాటువాదులపై పర్యవేక్షణ కొరకు ప్రత్యేక బృందాన్ని ఏర్పాటుచేయాలని సూచించబడినట్లు ఉంది. అయితే, భారత ప్రభుత్వం ఈ మెమో అసత్యమని ఖండించింది. భారత్-కెనడా మధ్య పెరుగుతున్న ఈ ఉద్రిక్తతలను మరింతగా ప్రస్తావనకు తెచ్చిన అంశాల్లో నిజ్జర్ హత్య ప్రధానమైనది. గతేడాది కెనడా ప్రధాని జస్టిన్ ట్రూడో భారత ఏజెంట్లే ఈ హత్యలో బాధ్యత వహించారని చేసిన ఆరోపణలతో ఇరు దేశాల మధ్య వివాదం మరింత ముదిరింది. ఇటీవల కెనడా తమ దౌత్యవేత్తల జాబితాలో భారత హైకమిషనర్ సంజయ్ వర్మను కూడా చేర్చడంతో, ఈ ఉద్రిక్తతలు మరింతగా పెరిగాయి. భారత ప్రభుత్వం ఈ పరిస్థితుల్లో కెనడాలోని దౌత్యవేత్తలను వెనక్కి పిలిచిన విషయం తెలిసిందే.
