Page Loader
హోమ్ / వార్తలు / భారతదేశం వార్తలు / ఐఐటీ బాంబేకి నందన్ నీలేకని రూ.315 కోట్ల విరాళం 
ఐఐటీ బాంబేకి నందన్ నీలేకని రూ.315 కోట్ల విరాళం 
ఐఐటీ బాంబేకి నందన్ నీలేకని రూ.315 కోట్ల విరాళం

ఐఐటీ బాంబేకి నందన్ నీలేకని రూ.315 కోట్ల విరాళం 

వ్రాసిన వారు Stalin
Jun 20, 2023
05:23 pm
ఈ వార్తాకథనం ఏంటి

ఇన్ఫోసిస్ సహ వ్యవస్థాపకుడు నందన్ నీలేకని ఐఐటీ బాంబేకి రూ.315 కోట్లు విరాళంగా ఇచ్చారు. ఐఐటీ బాంబేతో తన అనుబంధానికి 50 ఏళ్లు పూర్తయిన సందర్భంగా ఈ విరాళాన్ని ప్రకటించారు. 1973లో ఎలక్ట్రికల్ ఇంజనీరింగ్‌లో బ్యాచిలర్ డిగ్రీ కోసం ఐఐటీ బాంబేలో నందన్ నీలేకని చేరారు. ప్రపంచ స్థాయి మౌలిక సదుపాయాలను పెంపొందించడానికి, ఇంజినీరింగ్, సాంకేతిక పరిజ్ఞానం యొక్క అభివృద్ధి చెందుతున్న రంగాలలో పరిశోధనలను ప్రోత్సహించడానికి ఆయన ఈ విరాళాన్ని అందజేశారు. ఇది భారతదేశంలో పూర్వ విద్యార్థి చేసిన అతిపెద్ద విరాళాలలో ఒకటిగా నిలిచిపోయినట్లు వార్తా నివేదికలు చెబుతున్నాయి.

ఐఐటీ

ఐఐటీ బాంబే నాకు ఎంతో ఇచ్చింది: నందన్

ఐఐటీ బాంబే తన జీవితంలో ఒక మూలస్తంభంగా ఉందని, తన ప్రయాణానికి పునాది పడింది అక్కడేనని నందన్ నీలేకని చెప్పుకొచ్చారు. ఈ విరాళం ఆర్థిక సహకారం కంటే ఎక్కువ అన్నారు. ఐఐటీ బాంబే తనకు ఎంతో ఇచ్చిందని, దానికి కృతజ్ఞతా భావంతోనే ఈ విరాళం ఇచ్చినట్లు పేర్కొన్నారు. ఈ అవగాహనా ఒప్పందంపై నీలేకని, ఐఐటీ బాంబే డైరెక్టర్ ప్రొఫెసర్ సుభాసిస్ చౌధురి మంగళవారం బెంగళూరులో సంతకాలు చేశారు. ఈ చారిత్రాత్మక విరాళం ఐఐటీ బాంబేని ప్రపంచ నాయకత్వ మార్గంలో నడిపిస్తుంది అని చౌదరి ఆశాభావం వ్యక్తం చేశారు. నీలేకని ఇంతకు ముందు ఐఐటీ బాంబేకి రూ.85 కోట్లు విరాళం ఇచ్చారు. దీంతో అతని మొత్తం విరాళం రూ.400 కోట్లకు చేరుకుంది.

ట్విట్టర్ పోస్ట్ చేయండి

నందన్ చేసిన ట్వీట్