ఏలూరు కలెక్టర్ టార్గెట్‌గా పేర్ని నాని కీలక వ్యాఖ్యలు.. ముదురుతున్న వివాదం
వైసీపీ మాజీ మంత్రి పేర్ని నాని, ఏలూరు జిల్లా కలెక్టర్ మధ్య గత కొంతకాలంగా వివాదం రేగుతున్న విషయం తెలిసిందే. కృష్ణ జిల్లాలో పేర్నీ నాని వర్సెస్ కలెక్టర్ ప్రసన్న వెంకటేష్ అన్నట్లుగా పరిస్థితి తయారైంది. తాజాగా జరిగిన జిల్లా పరిషత్ సమావేశానికి మళ్లీ ఏలూరు కలెక్టర్ డుమ్మా కొట్టారు. గతంలో కూడా కలెక్టర్ రాకపోవడంతో ధర్నా చేస్తామని గతంలో పేర్ని నాని తీవ్ర వ్యాఖ్యలు చేశారు. ఈ సమావేశం కన్నా వ్యవసాయ సలహా మండలి సమావేశం ఎక్కువయ్యిందా అంటూ కలెక్టర్ పై పేర్ని నానిపై ధ్వజమెత్తారు. వ్యవసాయ మండలి సమావేశం పెట్టుకోమని సీఎంవో కార్యాలయం చెప్పిందని అనడం చాలా విచిత్రంగా ఉందన్నారు.
గతంలో కూడా ఇలాంటి పరిణామం
ఒకవేళ అత్యవసరమైతే నిన్న రాత్రే వ్యవసాయ మండలి సమావేశం పెట్టుకోవచ్చు కాదా అని కలెక్టర్‌ను మాజీ మంత్రి ప్రశ్నించాడు. గత నెల జూలైలోనూ ఇలాంటి ఘటనే జరిగింది. అప్పట్లో ఈ వ్యవహారంపై సీఎస్ జవహర్ రెడ్డిని పేర్ని నాని కలిశారు. ఆ సమయంలో ఏలూరు కలెక్టర్ వెంకటేష్, తాడేపల్లిలోని సీఎం క్యాంప్ కార్యాలయానికి వెళ్లి నానితో వివాదం గురించి మాట్లాడారు. ఈ వివాదం ఇంకా ఎంతవరకు వెళుతుందో వేచి చూడాలి.
