విపక్షాల అవిశ్వాస తీర్మానంపై ప్రధాని నరేంద్ర మోదీ ప్రసంగంలోని కీలకాంశాలు ఇవే..!
ఈ వార్తాకథనం ఏంటి
మణిపూర్ అల్లర్లపై ప్రధాని నరేంద్ర మోదీ లోక్‌సభలో కీలక వ్యాఖ్యలు చేశారు. మణిపూర్‌లో త్వరలోనే శాంతి నెలకొంటుందని, ఈ సభ, దేశం సంపూర్ణంగా మణిపూర్ ప్రజలకు అండగా నిలుస్తుందని ప్రధాని నరేంద్ర మోదీ పేర్కొన్నారు.
హైకోర్టు తీర్పు తర్వాత మణిపూర్‌లో పరిస్థితి మారిందని, దీనిపై విపక్షాలకు చర్చ అవసరం లేదన్నారు.
హైకోర్టు తీర్పులో రెండు కోణాలున్నాయన్నారు. మణిపూర్ లో ఏం జరిగిందో నిన్న వివరంగా అమిత్ షా చెప్పారని, మళ్లీ మణిపూర్‌లో అలాంటి ఘటనలు జరగకుండా అందరం కలిసి ఓ నిర్ణయానికి రావాలనే ఆలోచన విపక్షాలకు లేదని విమర్శించారు.
మణిపూర్ ప్రజలకు ధైర్యం చెప్పాల్సిన బాధ్యత గురించి అమిత్ షా సవివరంగా సభ ముందు ఉంచారని ప్రధాని మోదీ గుర్తు చేశారు.
Details
కాంగ్రెస్ దేశానికి ద్రోహం చేసింది : ప్రధాని మోదీ
కాంగ్రెస్ చరిత్ర అంతా భారతమాతను చిన్నాభిన్నం చేయడంలోనే మునిగిపోయిందని, మిజోరం మీద ఇందిరాగాంధీ హయంలో జరిగిన వాయుసేన దాడిని కాంగ్రెస్ నేతలు మరిచిపోయారా అంటూ మోదీ చురకలంటించారు.
మార్చి 5న ఇప్పటికి మిజోరం నిరసన దినంగా భావిస్తారని, ఆ దాడి గాయాన్ని ఇప్పటికీ అక్కడి ప్రజలు మరిచిపోలేదని ఆయన గుర్తు చేశారు.
మణిపూర్ ఘటనలో దోషులను శిక్షించేందుకు ప్రభుత్వం సిద్ధంగా ఉందని మోదీ చెప్పుకొచ్చారు.
2003లో సోనియా నేతృత్వంలో అవిశ్వాసం, 2018లో మళ్లీ అవిశ్వాస తీర్మానం పెట్టారని ఇన్ని అవిశ్వాసాలతో ఏం సాధిస్తారని ప్రతిపక్షాలను మోదీ ప్రశ్నించారు.
బీజేపీ అభివృద్ధిని గుర్తించి 2019లో తమకు సంపూర్ణ అధికారాన్ని దేశ ప్రజలు ఇచ్చారని, తొమ్మిదేళ్లలో ఒక్క కుంభకోణాన్ని అయినా చూపించగలరా ఆయన సవాల్ విసిరారు.
Details
అవినీతి పార్టీలన్నీ ఒకే చోటుకు చేరాయి : మోదీ
కాంగ్రెస్‌ది అబద్దాల దుకాణమని, సైన్యం ఆత్మాభిమాన్ని కాంగ్రెస్ అమ్మేసిందని ప్రధాని మోదీ విమర్శించారు.
తాము దేశ ప్రతిష్టను ఖండాంతరాలకు వ్యాపింపజేశామని, స్కామ్ లు లేని భారత్ ను అందించామని, దీంతో ప్రపంచ దేశాల్లో తమపై ఓ నమ్మకంపై ఏర్పడిందన్నారు.
కేంద్ర ప్రభుత్వం ప్రవేశపెట్టిన సంక్షేమ పథకాలను ఐఎంఎఫ్ ప్రశంసించిందని గుర్తు చేశారు.
అవినీతితో కూరుకుపోయిన పార్టీలన్నీ ఏకతాటిపైకి వచ్చాయని, వాళ్లకి అధికార దాహమే ఆలోచనగా ఉండిపోయిందని మోదీ వెల్లడించారు.
ఇండియాలో జరిగిన మంచిని విపక్షాలు సహించలేకపోతున్నాయని, HAL దివాళా తీస్తుందని ప్రచారం చేశారని, కానీ హెచ్ఏఎల్ సరికొత్త రికార్డులను సృష్టిస్తోందని మోదీ వివరించారు.
Details
కుటుంబ రాజకీయాలంటే కాంగ్రెస్ కు ఇష్టం
రాబోయే రోజుల్లో భారత ఆర్థిక వ్యవస్థ ప్రపంచంలోనే మూడో స్థానానికి చేరుకుంటుందని ప్రధాని మోదీ ధీమా వ్యక్తం చేశారు.
ఇండియా కూటమి పేరుతో మళ్లీ 16 పార్టీలు ఒకే ఏకతాటిపైకి వచ్చాయని, ఎన్ని పార్టీలు వచ్చినా ఓడిపోవడం ఖాయమని మోదీ స్పష్టం చేశారు.
గాంధీ నుంచి అంబేద్కర్ వరకు కుటుంబ రాజకీయాలు వద్దు అని చెప్పారని, కానీ కుటుంబ రాజకీయాలు, దర్బారు రాజకీయాలు కాంగ్రెస్ కు ఇష్టమని మోదీ ఆరోపించారు.
ఓడిషాలో 28 ఏళ్లుగా కాంగ్రెస్ పార్టీని ప్రజలు తిరస్కరిస్తున్నారని, నాగాలాండ్‌లో 1988లో చివరిసారిగా కాంగ్రెస్ గెలిచిందన్నారు.