మణిపూర్‌లో 'నీట్ యూజీ 2023' పరీక్ష వాయిదా
మణిపూర్‌లో హింస నేపథ్యంలో పరీక్షా కేంద్రాలు కేటాయించిన అభ్యర్థులకు నీట్ (యూజీ)-2023 పరీక్షను నేషనల్ టెస్టింగ్ ఏజెన్సీ (ఎన్‌టీఏ) వాయిదా వేసింది. ఈ మేరకు శనివారం ఒక ప్రకటన విడుదల చేసింది. వాయిదా పడిన పరీక్షల తదుపది తేదీలను త్వరలో ప్రకటిస్తామని ఎన్‌టీఏ వెల్లడించింది. మణిపూర్‌లో పరిస్థితి ఆందోళనకంగా ఉండటంతో పరీక్షను రీషెడ్యూల్ చేసే అవకాశాన్ని పరిశీలించాలని అభ్యర్థిస్తూ ఎన్‌టీఏకు ఆ రాష్ట్ర విద్యాశాఖ సహాయ మంత్రి డాక్టర్ రాజ్‌కుమార్ రంజన్ సింగ్ లేఖ రాశారు. పరీక్ష వాయిదా పడిన విషయాన్ని అభ్యర్థులకు ఆటోమేటిక్ కాల్,ఇమెయిల్ ద్వారా కూడా తెలియజేస్తామని ఎన్‌టీఏ తెలిపింది.
