China: బరితెగిస్తున్న చైనా.. అరుణాచల్ ప్రదేశ్ సమీపంలో కొత్త హెలిపోర్ట్ నిర్మాణం
ఈ వార్తాకథనం ఏంటి
చైనాకు చెందిన పీపుల్స్ లిబరేషన్ ఆర్మీ (PLA) అరుణాచల్ ప్రదేశ్ సమీపంలోని 'ఫిష్‌టెయిల్స్' అనే సున్నితమైన ప్రాంతం నుంచి తూర్పుకు 20 కిలోమీటర్ల దూరంలో, వాస్తవ నియంత్రణ రేఖకు సమీపంగా కొత్త హెలిపోర్ట్‌ను నిర్మిస్తోంది.
ఈ హెలిపోర్ట్, టిబెట్ అటానమస్ రీజియన్‌లోని న్యింగ్‌చి ప్రిఫెక్చర్‌లో గోంగ్రిగాబు క్యూ నది ఒడ్డున ఉంది.
ఈ నిర్మాణం చైనా సాయుధ దళాలకు మారుమూల ప్రాంతాల్లో సైనికులను వేగంగా తరలించే సామర్థ్యాన్ని ఇస్తుందని నిపుణులు అభిప్రాయపడుతున్నారు.
ఈ నిర్మాణం భారతదేశానికి ముప్పు కలిగించే అవకాశముందని కూడా భావిస్తున్నారు.
EOS డేటా అనలిటిక్స్ ద్వారా అందుబాటులో ఉన్న శాటిలైట్ చిత్రాల ప్రకారం,2023 డిసెంబరు 1న ఆ ప్రాంతంలో ఎలాంటి నిర్మాణం కనబడలేదు.
వివరాలు
హెలికాప్టర్‌ల టేకాఫ్ కోసం రోలింగ్ టెక్నిక్
అయితే,డిసెంబరు 31న సేకరించిన ఉపగ్రహ చిత్రాల్లో భూమిని క్లీర్ చేసే ప్రక్రియ ప్రారంభమైనట్లు కనిపించింది.
2024 సెప్టెంబరు 16న తీసిన తాజా అధిక-రిజల్యూషన్ చిత్రాలు, ఆ ప్రాంతంలో ఒక ఆధునిక హెలిపోర్ట్ నిర్మాణం జరుగుతున్నట్లు స్పష్టం చేస్తున్నాయి.
ఈ హెలిపోర్ట్ 600 మీటర్ల రన్‌వేను కలిగి ఉండగా, హెలికాప్టర్‌ల టేకాఫ్ కోసం రోలింగ్ టెక్నిక్ ఉపయోగించవచ్చు.
ఇది,ముఖ్యంగా ఎత్తైన ప్రదేశాల్లో,తక్కువ విద్యుత్తు అందుబాటులో ఉన్నప్పుడు హెలికాప్టర్‌లు సులభంగా ఉపయోగించడానికి అనువుగా ఉంటుంది. ఈ ప్రాంతం సుమారు 1500 మీటర్ల ఎత్తులో ఉంది.
ఇంటెలిజెన్స్ నిపుణుల అభిప్రాయాల ప్రకారం,ఈ హెలిపోర్ట్,PLA గూఢచారి కార్యకలాపాలు,నిఘా కార్యకలాపాలను ముమ్మరం చేయడానికి ఉపయోగపడుతుంది.
అదనంగా,హెలిపోర్ట్‌లో మూడు హ్యాంగర్‌లు,ఎయిర్ ట్రాఫిక్ కంట్రోల్ సౌకర్యం,ఇతర అనుబంధ భవనాల నిర్మాణం కూడా జరుగుతోంది.