JammuKashmir Elections: బీజేపీ మేనిఫెస్టోను విడుదల చేసిన అమిత్ షా
పదేళ్ల తర్వాత జమ్ముకశ్మీర్‌లో జరగనున్న అసెంబ్లీ ఎన్నికలకు బీజేపీ మేనిఫెస్టోను విడుదల చేసింది. హోంమంత్రి అమిత్ షా స్వయంగా జమ్మూ చేరుకుని పార్టీ తీర్మాన లేఖను విడుదల చేశారు. ఈ సందర్భంగా ఆయన మాట్లాడుతూ ఆర్టికల్ 370 చరిత్రగా నిలిచిపోయిందని, ఇప్పుడు అది తిరిగి రాదని అన్నారు. ఆర్టికల్ 370, 35 (A) గత చరిత్రగా మారాయని, ఇకపై మన రాజ్యాంగంలో భాగం కాదన్నారు.
జమ్ముకశ్మీర్ భారత్‌లో భాగంగానే ఉంది, అలాగే ఉంటుంది: షా
"ఒకప్పుడు వేర్పాటువాదం, ఆర్టికల్ 370 నీడలో హురియత్‌ వంటి సంస్థలు ఉండేవి, వాటికి తలవంచుతున్న ప్రభుత్వాలు.. స్వాతంత్య్రం వచ్చినప్పటి నుంచి జమ్మూ కాశ్మీర్ మా పార్టీకి చాలా ముఖ్యమైనదని మీ అందరికీ తెలుసు. ఈ ప్రాంతాన్ని భారత్‌తో అనుసంధానం చేయడానికి మేము చాలా ప్రయత్నాలు చేసాము, జమ్మూ కాశ్మీర్ ఎల్లప్పుడూ భారతదేశంలో భాగమేనని, 2014 వరకు ఇక్కడ వేర్పాటువాదం నీడ ఉందని మా పార్టీ నమ్ముతుంది"అని షా అన్నారు.
