Pahalgam Terror Attack: 'ఆపరేషన్ క్లీన్-అప్' మొదలు.. 14 మంది ఉగ్రవాదుల లిస్ట్ విడుదల
ఈ వార్తాకథనం ఏంటి
జమ్ముకశ్మీర్‌లోని పహల్గామ్‌లో జరిగిన ఉగ్రదాడి తర్వాత దేశవ్యాప్తంగా తీవ్ర దుఃఖం, కోపం వ్యక్తమవుతోంది. ఈ నేపథ్యంలో నిఘా సంస్థలు 14 మంది స్థానిక ఉగ్రవాదుల జాబితాను సిద్ధం చేశాయి.
వారు పాకిస్థాన్ ఉగ్రవాద సంస్థలకు కీలక మద్దతుదారులుగా వ్యవహరిస్తున్నారని తెలిపారు. ఉగ్రవాదులకు రవాణా సహాయం, ఆశ్రయం, వనరులు సమకూర్చడంలో వీరి పాత్ర కీలకమైంది.
ఈ జాబితాను జాతీయ మీడియా సంస్థ "ఆజ్ తక్" వెల్లడించింది. భద్రతా దళాలు ఈ ఉగ్రవాదులను ఒక్కొక్కరిని హతమార్చేందుకు అన్ని ఏర్పాట్లు పూర్తిచేశాయి.
వారి ఇళ్లను ధ్వంసం చేసి, "ఆపరేషన్ క్లీన్-అప్" ద్వారా కశ్మీర్‌ను ఉగ్రవాదం నుంచి శుభ్రం చేయాలని నిర్ణయించుకున్నారు.
Details
ఉగ్రవాదుల జాబితా
1. ఆదిల్ రెహమాన్ - సోపోర్‌లో లష్కరే తోయిబా కమాండర్. 2021 నుంచి ఉగ్రచర్యల్లో చురుకుగా ఉన్నాడు.
2. ఆసిఫ్ అహ్మద్ షేక్ - జైష్-ఎ-మొహమ్మద్ అవంతిపుర జిల్లా కమాండర్. 2022 నుంచి క్రియాశీలుడు.
3. ఎహ్సాన్ అహ్మద్ షేక్ - లష్కరే తోయిబా ఉగ్రవాది, పుల్వామా దాడిలో కీలకపాత్ర పోషించాడు.
4. హరీష్ నజీర్ - పుల్వామా ప్రాంతానికి చెందిన లష్కరే తోయిబా ఉగ్రవాది.
5. ఆమిర్ నజీర్ వాని - పుల్వామా దాడిలో పాల్గొన్న జైష్ ఉగ్రవాది.
6.యావర్ అహ్మద్ భట్ - జైష్ ఉగ్రవాదిగా పుల్వామాలో వ్యూహకర్తగా పనిచేశాడు.
7. ఆసిఫ్ అహ్మద్ - కాండే షోపియన్‌కు చెందిన హిజ్బుల్ ముజాహిదీన్ ఉగ్రవాది, 2015 నుంచి చురుకుగా ఉన్నాడు.
Details
8. నసీర్ అహ్మద్ వాని - షోపియన్‌కు చెందిన లష్కరే తోయిబా ఉగ్రవాది.
9. షాహిద్ అహ్మద్ కుటే - షోపియన్‌లో చురుకుగా ఉన్న లష్కరే, టీఆర్ఎఫ్ ఉగ్రవాది.
10. ఆమిర్ అహ్మద్ దార్ -2023 నుంచి షోపియన్‌లో చురుకుగా పనిచేస్తున్న ఉగ్రవాది.
11. అద్నాన్ సఫీ దార్ - షోపియన్‌కు చెందిన లష్కరే తోయిబా, టీఆర్ఎఫ్ ఉగ్రవాది.
12. జుబైర్ అహ్మద్ వాని - అనంత్‌నాగ్‌లో హిజ్బుల్ ముజాహిదీన్ ఆపరేషనల్ కమాండర్, 2018 నుంచి చురుకుగా ఉన్నాడు.
13. హరూన్ రషీద్ ఘని - అనంత్‌నాగ్‌కు చెందిన హిజ్బుల్ ముజాహిదీన్ ఉగ్రవాది, పాక్ ఆక్రమిత కశ్మీర్‌లో శిక్షణ పొందినట్లు తెలుస్తోంది.
14. జుబైర్ అహ్మద్ ఘని - కుల్గాం ప్రాంతానికి చెందిన లష్కరే తోయిబా ఉగ్రవాది, ది రెసిస్టెంట్ ఫ్రంట్‌తో కూడా సంబంధం కలిగి ఉన్నాడు.