PM Modi: ఇన్నోవేషన్,ఇన్వెస్ట్మెంట్ లక్ష్యంగా బడ్జెట్ : మోదీ
ఈ వార్తాకథనం ఏంటి
పార్లమెంటు బడ్జెట్ సమావేశాలు ప్రారంభం కాబోతున్న సమయంలో ప్రధాని నరేంద్ర మోదీ (PM Modi) మీడియాతో మాట్లాడారు.
''మహాలక్ష్మి మనకు సిద్ధి,బుద్ధిని అందిస్తుంది.పేదలు,సామాన్యులపై మహాలక్ష్మి కృప ఎప్పుడూ ఉండాలని ఆకాంక్షిస్తున్నాను.భారతదేశం శక్తి, సామర్థ్యాలు మనకు గొప్ప గుర్తింపు,సార్ధకతను అందిస్తాయి.మూడోసారి ఎన్డీయే ప్రభుత్వాని ప్రజలు ఆశీర్వదించారు.మూడోసారి పార్లమెంటులో సంపూర్ణ బడ్జెట్‌ను ప్రవేశపెడుతున్నాము.ఈ వార్షిక బడ్జెట్ ప్రజల్లో కొత్త నమ్మకాన్నినింపుతుంది. భారత్ అభివృద్ధి లక్ష్యంతో మిషన్ మోడ్‌లో ముందుకు సాగుతుంది.ఇన్నోవేషన్,ఇన్‌క్లూజన్, ఇన్వెస్ట్మెంట్ లక్ష్యంతో దూసుకెళ్లిపోతుంది.కొత్త విధానాలు మన ఆర్థిక ప్రగతికి పునాదిగా ఉంటాయి. పార్లమెంటులో చరిత్రాత్మక బిల్లులు ప్రవేశపెట్టడానికి సిద్ధమవుతున్నాము.పార్లమెంటు సమావేశాల్లో అన్ని అంశాలపై సమగ్ర చర్చ జరుగుతుంది,ఉభయ సభలు సజావుగా సాగేందుకు ప్రతిపక్షాలు సహకరిస్తాయని ఆశిస్తున్నాను'' అని ప్రధాని మోదీ ఆశాభావాన్ని వ్యక్తం చేశారు.
వివరాలు
వరుసగా ఎనిమిదోసారి బడ్జెట్ ప్రవేశపెట్టనున్న నిర్మలా సీతారామన్
ఈ బడ్జెట్ సమావేశాలలో 2024-25 ఆర్థిక సంవత్సరానికి సంబంధించిన ఆర్థిక సర్వేను కేంద్ర ఆర్థికమంత్రి నిర్మలా సీతారామన్ సభలో ప్రవేశపెట్టనున్నారు.
శనివారం కేంద్ర బడ్జెట్‌ను ఆమె సభకు సమర్పించనున్నారు. బడ్జెట్ సమావేశాలు రెండు విడతలుగా శుక్రవారం నుండి ఏప్రిల్ 4వ తేదీ వరకు జరుగనున్నాయి.
తొలివిడత ఫిబ్రవరి 13వ తేదీ వరకు, రెండోవిడత మార్చి 10 నుంచి ఏప్రిల్ 4 వరకు జరుగుతాయి. నిర్మలా సీతారామన్ వరుసగా ఎనిమిదోసారి బడ్జెట్‌ను ప్రవేశపెట్టనుండడం విశేషం.