నేడు ప్రధాని మోదీ కీలక ప్రసంగం.. పార్లమెంటులో అవిశ్వాసంపై మూడో రోజు చర్చ
ఈ వార్తాకథనం ఏంటి
కేంద్రంలోని ఎన్డీఏ ప్రభుత్వంపై విపక్షాలు ప్రవేశపెట్టిన అవిశ్వాస తీర్మానంపై లోక్‌సభలో ఇవాళ వరుసగా మూడో రోజు చర్చ జరగనుంది. రెండో రోజు బుధవారం చర్చలు వేడెక్కాయి.
మణిపూర్ అల్లర్లను కట్టడి చేయడంలో ప్రధాని మోదీ విఫలమయ్యారని ఆరోపిస్తూ పార్లమెంట్ లో అవిశ్వాస తీర్మానాన్ని ప్రవేశపెట్టారు. దీనిపై గురువారం మోదీ జవాబు ఇవ్వనున్నారు.
మరోవైపు గురువారమే ఓటింగ్ జరగనుంది. జులై 2018లో మోదీ సర్కారుపై విపక్ష పార్టీలు అవిశ్వాస తీర్మానాన్ని ప్రవేశపెట్టాయి. ఇందులో భాగంగా తీర్మానానికి 126 ఓట్లు రాగా, వ్యతిరేకంగా 325 ఓట్లు పోలయ్యాయి.
ప్రస్తుతం మోదీ సర్కారు రెండో అవిశ్వాసాన్ని ఎదుర్కొంటోంది.మోదీ ప్రభుత్వానికి ఎటువంటి ముప్పు లేదని అధికార పక్షం ధీమా వ్యక్తం చేస్తోంది. తమకు సంపూర్ణ ఆధిక్యం ఉందని పేర్కొంటోంది.
details
ప్రధాని సమక్షంలోనే మణిపూర్ అల్లర్లపై చర్చ జరగాలనే అవిశ్వాసం పెట్టాం: విపక్షాలు
మణిపూర్ అల్లర్ల ఘటనలపై ప్రధాని మోదీ సభలో సమాధానం చెప్పాలని గత కొంత కాలంగా విపక్షాలు డిమాండ్ చేస్తున్నాయి.
ప్రధాని సమక్షంలోనే మణిపూర్‌పై చర్చ జరగాలని, అందుకే అవిశ్వాస తీర్మానం పెట్టామని వెల్లడించాయి.
రెండో రోజు చర్చలో భాగంగా మణిపూర్ హింసాత్మక ఘటనలపై కేంద్ర హోంమంత్రి అమిత్ షా మాట్లాడారు.
ఈశాన్య రాష్ట్రంలో హింసాత్మకమైన ఘర్షణలు చెలరేగాయని,ఇవి దురదృష్టకరమైనవని షా చెప్పుకొచ్చారు. శాంతి భద్రతలను పరిరక్షించుకోవాలని మైతీ, కుకీ ప్రజలకు పార్లమెంట్ నుంచే షా విజ్ఞప్తి చేశారు.
బలా బలాలు :
ఎన్డీఏ - 333
ఇండియా కూటమి - 142
ఇతరులు - 64
బుధవారం రాహుల్ గాంధీ 35 నిమిషాల పాటు భారత్ జోడో యాత్ర, మణిపూర్ ఘటనలపై మాట్లాడారు.