గణతంత్ర దినోత్సవ వేడుకలకు జో బైడెన్‌ను ముఖ్య అతిథిగా ఆహ్వానించిన ప్రధాని మోదీ
జనవరి 26న జరిగే భారత గణతంత్ర వేడుకలకు ముఖ్య అతిథిగా హాజరుకావాలని ప్రధాని నరేంద్ర మోదీ అమెరికా అధ్యక్షుడు జో బైడెన్‌ను ఆహ్వానించారు. న్యూదిల్లీలో జి20 సదస్సుకు ఒకరోజు ముందు జరిగిన ద్వైపాక్షిక సమావేశంలో ఈ విషయమై బైడెన్‌తో ప్రధాని మోదీ మాట్లాడారని భారత్‌లోని అమెరికా రాయబారి ఎరిక్ గార్సెట్టీ బుధవారం వెల్లడించారు. భారత గణతంత్ర దినోత్సవ సమయంలోనే క్వాడ్‌ శిఖరాగ్ర సదస్సు కూడా జరుగుతుందా అని విలేకరులు ప్రశ్నించగా ఆ విషయం తనకు తెలియదని గార్సెట్టి బదులిచ్చారు. భారత్‌, అమెరికా, జపాన్, ఆస్ట్రేలియాతో కూడిన క్వాడ్‌ సదస్సుకు వచ్చే ఏడాది మన దేశం ఆతిథ్యం ఇవ్వనుంది.
ఇప్పటివరకు గణతంత్ర దినోత్సవానికి హాజరైన అతిథులు వీరే..
ప్రతి సంవత్సరం, భారతదేశం గణతంత్ర దినోత్సవ వేడుకలకు హాజరు కావాలని ప్రపంచ నాయకులను ఆహ్వానిస్తుంది. COVID-19 మహమ్మారి దృష్ట్యా 2021, 2022లో రిపబ్లిక్ డే ముఖ్య అతిథిగా ఎవరు హాజరు కాలేదు. 2020లో అప్పటి బ్రెజిల్ అధ్యక్షుడు జైర్ బోల్సోనారో ముఖ్య అతిథిగా హాజరయ్యారు. 2019లో, దక్షిణాఫ్రికా అధ్యక్షుడు సిరిల్ రామఫోసా పరేడ్‌కు ముఖ్య అతిథిగా హాజరు కాగా, 2018లో మొత్తం 10 ఆసియాన్ దేశాల నాయకులు వేడుకలకు హాజరయ్యారు. 2017లో, అబుదాబి క్రౌన్ ప్రిన్స్ షేక్ మొహమ్మద్ బిన్ జాయెద్ అల్ నహ్యాన్ వేడుకలకు ముఖ్య అతిథిగా హాజరు కాగా, 2016లో అప్పటి ఫ్రెంచ్ అధ్యక్షుడు ఫ్రాంకోయిస్ హోలాండే ఈ వేడుకను ఘనంగా నిర్వహించారు.
ఇప్పటివరకు గణతంత్ర దినోత్సవానికి హాజరైన అతిథులు వీరే..
2015లో అప్పటి అమెరికా అధ్యక్షుడు బరాక్ ఒబామా కవాతును వీక్షించారు. 2014లో జరిగిన వేడుకలకు అప్పటి జపాన్ ప్రధాని షింజో అబే ముఖ్య అతిథిగా హాజరు కాగా, 2013లో జరిగిన కవాతుకు భూటాన్ రాజు జిగ్మే ఖేసర్ నామ్‌గేల్ వాంగ్‌చుక్ హాజరయ్యారు.
