Polavaram Project: పోలవరం-బనకచర్ల ప్రాజెక్టుకు కీలక అడుగు .. టెండర్ ప్రకటన విడుదల చేసిన ఏపీ జలవనరుల శాఖ
ఈ వార్తాకథనం ఏంటి
ఆంధ్రప్రదేశ్‌ రాష్ట్ర జలవనరుల శాఖ పోలవరం-బనకచర్ల అనుసంధాన ప్రాజెక్టును వేగవంతం చేయడానికి కీలకంగా చర్యలు తీసుకుంది. ప్రాజెక్టు కోసం సమగ్ర ప్రాజెక్టు నివేదిక (డీపీఆర్) రూపొందించేందుకు అనుభవజ్ఞులైన కన్సల్టెన్సీ సంస్థను ఎంపిక చేయాలని నిర్ణయించి,దానికి రూ. 9.20 కోట్ల అంచనా వ్యయంతో టెండర్లను ఆహ్వానించింది. ఈ సందర్భంగా టెండర్ ప్రకటనను అధికారికంగా విడుదల చేశారు. కేంద్ర జలసంఘం విధించిన మార్గదర్శకాలకు అనుగుణంగా, పూర్తిస్థాయి డీపీఆర్ సిద్ధం చేయడం, కేంద్ర ప్రభుత్వానికి అవసరమైన అనుమతులు పొందడం,ఇతర సంబంధిత ప్రాసెస్‌లను పూర్తి చేయడం వంటి అన్ని బాధ్యతలు ఈ ఎంపికైన కన్సల్టెన్సీకి అప్పగించబడతాయని అధికారులు స్పష్టం చేశారు.
వివరాలు
బిడ్‌ల సమర్పణకు సంబంధించిన తేదీలు:
టెండర్ దాఖలుకు ప్రారంభ తేదీ: అక్టోబర్ 8 టెండర్ దాఖలుకు చివరి తేదీ: అక్టోబర్ 22 ఆధికారుల ప్రకారం, నిర్ణీత గడువులో అర్హత కలిగిన కన్సల్టెన్సీలు మాత్రమే బిడ్‌లో పాల్గొనవచ్చు. ప్రాజెక్టు ప్రాధాన్యతను దృష్టిలో ఉంచుకుని, సాంకేతికంగా నైపుణ్యం ఉన్న సంస్థలు మాత్రమే ఈ ప్రక్రియలో భాగమవ్వాలని సూచించారు.