తదుపరి వార్తా కథనం
నేడు రాత్రి 7గంటలకు జాతిని ఉద్దేశించి ప్రధాని నరేంద్ర మోదీ ప్రసంగం
వ్రాసిన వారు
Stalin
Mar 02, 2023
03:11 pm
ఈ వార్తాకథనం ఏంటి
ప్రధాని నరేంద్ర మోదీ గురువారం రాత్రి 7 గంటలకు జాతిని ఉద్దేశించి ప్రసంగించనున్నారు. అయితే ప్రధాని ఏ విషయంపై మాట్లాడుతారనేది ఆసక్తికరంగా మారింది.
ఈశాన్య రాష్ట్రాలైన త్రిపుర, నాగాలాండ్, మేఘాలయలో అసెంబ్లీ ఎన్నికల ఫలితాల్లో బీజేపీ సత్తా చాటింది. ఈ క్రమంలో ఆ ఎన్నికల ఫలితాలను ఉద్దేశించి ప్రధాని మోదీ మాట్లాడే అవకాశం ఉందని తెలుస్తోంది.
ప్రధాని మోదీ
అసెంబ్లీ ఎన్నికల ఫలితాల్లో దూసుకుపోతున్న బీజేపీ
మధ్యాహ్నం 2:30 గంటల సమయానికి త్రిపురలో 35 స్థానాలతో బీజేపీ పూర్తి ఆధిక్యాన్ని కనబరుస్తోంది. సీపీఐ (ఎం) నేతృత్వంలోని వామపక్షాలు 13స్థానాల్లో ముందంజలో ఉన్నాయి.
నాగాలాండ్‌లో బీజేపీ 36 స్థానాల్లో ముందంజలో ఉంది. మేఘాలయలో ఎన్‌పీపీ 26, బీజేపీ నాలుగు, టీఎంసీ నాలుగు స్థానాల్లో ముందంజలో ఉన్నాయి.
ఎలాంటి అవాంఛనీయ సంఘటనలు జరగకుండా ఎన్నికలు నిర్వహించడంపై ప్రధాని మోదీ మాట్లాడే అవకాశం ఉందనే అభిప్రాయం వ్యక్తమవుతోంది.