Rahul Gandhi: నాపై ఈడీ దాడులు జరగొచ్చు.. చాయ్ బిస్కెట్లతో సిద్ధంగా ఉంటా
తనపై ఈడీ దాడులు జరిగే అవకాశం ఉందని కాంగ్రెస్ ఎంపీ, ప్రతిపక్ష నేత రాహుల్ గాంధీ పేర్కొన్నారు. ఆ సంస్థలో పనిచేస్తున్న కొందర వ్యక్తులు ఈ సమాచారాన్ని తనకు తెలియజేశారన్నారు. ఇటీవల లోక్ సభలో తాను మాట్లాడిన 'చక్రవ్యూహం' స్పీచ్ కొంతమందికి నచ్చలేదన్నారు. ఈడీని సాధారణంగా ఆహ్వానిస్తున్నానని, వారి కోసం చాయ్ బిస్కెట్లు సిద్ధంగా ఉన్నాయని రాహుల్ గాంధీ తన ఎక్స్ ఖాతాలో రాసుకొచ్చారు. సాధారణంగానే ప్రతి ఇద్దరిలో ఒకరికి తన 'చక్రవ్యూహాం' ప్రసంగం మెప్పించలేదన్నారు.
దేశం మొత్తాన్ని పద్మవ్యూహంలోకి నెట్టేశారు
కేంద్ర బడ్జెట్‌పై జరుగుతున్న చర్చలో భాగంగా రాహుల్ గాంధీ మాట్లాడారు. ఆరుగురు వ్యక్తులు దేశం మొత్తాన్ని 'పద్మవ్యూహం'లోకి నెట్టివేస్తున్నారని మండిపడ్డారు. మహభారతంలో అభిమన్యుడిని చక్రవ్యూహంలో ఎలా హత్య చేశారో, ఇప్పుడు దేశాన్ని అలానే తయారు చేస్తున్నారని విమర్శించారు. యువత, రైతులు, మహిళలు, చిన్న, మధ్య తరహా వ్యాపారుల చుట్టూ దాన్ని పన్నుతున్నారు
చక్రవ్యూహం వెనుక మూడు శక్తులు ఉన్నాయి
పద్మవ్యూహం పన్నిన వారిలో ఆరుగురే ఉన్నారని రాహుల్ విమర్శలు గుప్పించారు. చక్రవ్యూహం వెనుక మూడు శక్తులు ఉన్నాయని, దేశ సంపద మొత్తాన్ని కబళించాలని చూస్తున్న ఇద్దరు వ్యక్తులు మొదటి శక్తిగా గుర్తించారు. ఇక దర్యాప్త సంస్థలైన సీబీఐ, ఈడీ, ఆదాయపు పన్ను శాఖ రెండదని చెప్పారు. మరోవైపు రాజకీయ కార్యనిర్వాహక వర్గాన్ని మూడో శక్తిగా రాహుల్ వివరించారు.
