Rahul Gandhi: బిహార్‌ ఎన్నికల వేదికగా మోదీపై విమర్శలు గుప్పించిన రాహుల్‌ గాంధీ
ఈ వార్తాకథనం ఏంటి
కాంగ్రెస్‌ సీనియర్‌ నేత, ఎంపీ రాహుల్‌ గాంధీ మరోసారి ప్రధానమంత్రి నరేంద్ర మోదీపై తీవ్ర విమర్శలు గుప్పించారు. ఆదివారం బిహార్‌లో జరిగిన ఎన్నికల ప్రచార సభలో పాల్గొన్న ఆయన మాట్లాడారు. ఓట్ల కోసం ప్రధాని మోదీ ఏ స్థాయికైనా వెళ్లేందుకు సిద్ధమవుతారని వ్యాఖ్యానించారు. ఎన్నికల సమయంలో మోదీ బిహార్‌ ప్రజలకు అనేక హామీలు, ప్రసంగాలు ఇస్తారని కానీ ఎన్నికలు ముగిసిన వెంటనే ఆ రాష్ట్రం వైపు కూడా చూడరని రాహుల్‌ విమర్శించారు. రాష్ట్రంలో తీవ్రమైన నిరుద్యోగ సమస్య ఉన్నప్పటికీ, ప్రధాని యువత దృష్టిని మళ్లించేందుకు రీల్స్‌ చూడమని సూచించడం దురదృష్టకరమని ఆయన వ్యాఖ్యానించారు.
Details
ప్రముఖ విశ్వవిద్యాలయాన్ని తిరిగి స్థాపిస్తాం
బిహార్‌లో ఇండియా కూటమి అధికారంలోకి వస్తే ప్రజలకు ఉత్తమ విద్యా వసతులు, ఉపాధి అవకాశాలు కల్పిస్తామని రాహుల్‌ హామీ ఇచ్చారు. అంతేకాకుండా, ఇండియా కూటమి కేంద్రంలో అధికారంలోకి వచ్చిన రోజు నలందా వంటి ప్రముఖ విశ్వవిద్యాలయాన్ని తిరిగి బిహార్‌లో స్థాపిస్తామని ప్రకటించారు. రైతులు, కార్మికులు, దళితులు, బలహీన వర్గాలకు అనుకూలంగా పనిచేసే ప్రభుత్వం ఇండియా కూటమిదేనని ఆయన స్పష్టం చేశారు. అంతర్జాతీయ అంశాలపై కూడా రాహుల్‌ తీవ్ర విమర్శలు చేశారు. భారత్‌-పాక్‌ సరిహద్దు ఘర్షణను తాను ఆపానని అమెరికా మాజీ అధ్యక్షుడు డొనాల్డ్‌ ట్రంప్‌ పునరావృతంగా చెబుతున్నప్పటికీ, ఆ వ్యాఖ్యలపై ప్రధానమంత్రి మోదీ స్పందించడానికి, ఆయనను నిలదీయడానికి ధైర్యం చూపలేదని రాహుల్‌ అన్నారు.
Details
కొద్దిమంది వ్యాపారులకు మాత్రమే లాభం
మోదీ ప్రభుత్వం తీసుకున్న నోట్ల రద్దు (Demonetisation), జీఎస్టీ (GST) వంటి ఆర్థిక నిర్ణయాలు దేశంలోని కొద్దిమంది పెద్ద వ్యాపారవేత్తలకు మాత్రమే లాభం చేకూర్చాయని రాహుల్‌ ఆరోపించారు. తమ పార్టీ మాత్రం చిన్న వ్యాపారులు, మధ్యతరగతి వ్యాపారులను అభివృద్ధి దిశగా నడిపే విధానాలనే అమలు చేస్తుందని పేర్కొన్నారు. చివరగా, "మొబైల్‌ ఫోన్లు, పరికరాలపై 'మేడ్‌ ఇన్‌ బిహార్‌' అనే ముద్ర కనిపించాలనేది మా లక్ష్యమని రాహుల్‌ గాంధీ చెప్పారు.