TG Weather: తెలంగాణలో రాగల రెండురోజులు వర్షాలు కురిసే అవకాశం.. ఐఎండీ వార్నింగ్‌
ఈ వార్తాకథనం ఏంటి
తెలంగాణ రాష్ట్రంలో రాబోయే రెండు రోజుల పాటు వర్షాలు కురిసే అవకాశం ఉందని హైదరాబాద్‌లోని వాతావరణ కేంద్రం ప్రకటించింది.
ఉరుములు, మెరుపులు,ఈదురుగాలులతో కూడిన వర్షాలు పడే సూచనలు ఉన్నాయని స్పష్టం చేసింది.
శనివారం వర్ష సూచన గల జిల్లాలు:
శనివారం నల్గొండ, సూర్యాపేట, మహబూబాబాద్‌, వరంగల్‌, హన్మకొండ, రంగారెడ్డి, హైదరాబాద్, మేడ్చల్‌-మల్కాజ్‌గిరి, వికారాబాద్‌, సంగారెడ్డి, మెదక్‌, మహబూబ్‌నగర్‌, నాగర్‌కర్నూల్‌, వనపర్తి, నారాయణపేట, జోగులాంబ గద్వాల జిల్లాల్లో ఉరుములు, మెరుపులతో కూడిన వర్షాలు కురిసే అవకాశముందని వాతావరణ శాఖ పేర్కొంది.
వివరాలు
ఆదివారం వానలు కురిసే ప్రాంతాలు:
ఆదివారం రోజున రంగారెడ్డి, హైదరాబాద్, మేడ్చల్‌-మల్కాజ్‌గిరి, వికారాబాద్‌, సంగారెడ్డి, మెదక్‌, మహబూబ్‌నగర్‌, నాగర్‌కర్నూల్‌, వనపర్తి, నారాయణపేట, జోగులాంబ గద్వాల జిల్లాల్లో ఈదురుగాలులతో కూడిన వర్షాలు పడే అవకాశం ఉందని వాతావరణ శాఖ వెల్లడించింది.
ఈ నేపథ్యంలో పలు జిల్లాల్లో ఎల్లో అలెర్ట్‌ను జారీ చేశారు.
గడిచిన 24 గంటల వర్షపాతం వివరాలు:
ఇక గడిచిన 24 గంటల వ్యవధిలో హైదరాబాద్, రంగారెడ్డి, యాదాద్రి భువనగిరి, సిద్దిపేట, జగిత్యాల జిల్లాల్లో తేలికపాటి నుంచి మోస్తరు వర్షాలు నమోదయ్యాయి.
ముఖ్యంగా హైదరాబాద్ పరిధిలోని బండ్లగూడ ప్రాంతంలో అత్యధికంగా 8 సెంటీమీటర్ల వర్షపాతం నమోదైనట్లు అధికారులు తెలిపారు.