Munawwar Rana: ప్రముఖ ఉర్దూ కవి మునవ్వర్ రాణా కన్నుమూత
ఈ వార్తాకథనం ఏంటి
ప్రముఖ ఉర్దూ కవి మునవ్వర్ రాణా ఆదివారం లక్నోలోని పీజీఐ ఆస్పత్రిలో గుండెపోటుతో మరణించారు. ఆయన వయసు 71 సంవత్సరాలు.
గత కొన్ని నెలలుగా మునవ్వర్ రాణా తీవ్ర అనారోగ్యంతో బాధపడుతూ పీజీఐ ఆస్పత్రిలో చికిత్స పొందుతున్నారు. గతంలో ఆయన కిడ్నీ, గుండె సంబంధిత వ్యాధులతో బాధపడుతున్నారు.
తన తండ్రి ఆదివారం రాత్రి ఆసుపత్రిలో మరణించారని, సోమవారం అంత్యక్రియలు నిర్వహించనున్నట్లు రానా కుమార్తె సుమయ్య రాణా వార్తా సంస్థ పిటిఐకి తెలిపారు.
"అనారోగ్యం కారణంగా ఆయన 14 నుండి 15 రోజుల పాటు ఆసుపత్రిలో ఉన్నాడు.ఆయనను మొదట లక్నోలోని మెదాంతలో చేర్చారు,ఆపై SGPGIలో ఈరోజు రాత్రి 11 గంటల సమయంలో తుది శ్వాస విడిచారు"అని రానా కుమారుడు తబ్రేజ్ రానా PTIకి తెలిపారు.
Details
గజల్‌లకు చేసిన కృషికి విస్తృతంగా గుర్తింపు
మునవ్వర్ రాణాకు భార్య, నలుగురు కుమార్తెలు, ఒక కుమారుడు ఉన్నారు.
ఉత్తర్‌ప్రదేశ్ లోని రాయ్‌బరేలిలో నవంబర్ 26, 1952న జన్మించిన రానా ఉర్దూ సాహిత్యం, కవిత్వానికి, ముఖ్యంగా గజల్‌లకు చేసిన కృషికి విస్తృతంగా గుర్తింపు పొందారు.
అతని అత్యంత ప్రసిద్ధ కవిత 'మా'. ఇది సాంప్రదాయ గజల్ రూపంలో తల్లి సద్గుణాలను తెలుపుతుంది.
తన కెరీర్ మొత్తంలో, రానా తన కవితా పుస్తకం 'షహదాబా' కోసం 2014లో ప్రతిష్టాత్మక సాహిత్య అకాడమీ అవార్డుతో సహా అనేక ప్రశంసలను అందుకున్నారు.
అయితే, దేశంలో పెరుగుతున్న అసహనంపై ఆందోళనల కారణంగా అయన ఒక సంవత్సరం తర్వాత అవార్డును తిరిగి ఇచ్చారు.
Details
ముషాయిరాలతో ప్రసిద్ధి..
అయన అందుకున్న ఇతర అవార్డులలో అమీర్ ఖుస్రో అవార్డు, మీర్ తాకీ మీర్ అవార్డు, గాలిబ్ అవార్డు, డాక్టర్ జాకీర్ హుస్సేన్ అవార్డు,సరస్వతీ సమాజ్ అవార్డు ఉన్నాయి.
ఆయన రచనలు అనేక భాషల్లోకి అనువదించబడ్డాయి.
రానా తన జీవితంలో ఎక్కువ భాగం కోల్‌కతాలో గడిపాడు. భారతదేశం, విదేశాలలో ముషాయిరాలతో (కవి సమ్మేళనాలు) ప్రసిద్ధి చెందారు.
ఉత్తరప్రదేశ్‌లోని రాజకీయలలో కూడా రాణా చురుకుగా రాణించారు. ఆయన కుమార్తె సుమయ్య అఖిలేష్ యాదవ్ నేతృత్వంలోని సమాజ్ వాదీ పార్టీ (ఎస్పీ) సభ్యురాలు.