తదుపరి వార్తా కథనం
Rythu Bharosa: అర్ధరాత్రి తర్వాత రైతుల ఖాతాల్లోకి రైతు భరోసా నిధులు జమ
వ్రాసిన వారు
Jayachandra Akuri
Jan 26, 2025
04:50 pm
ఈ వార్తాకథనం ఏంటి
ఒకే విడతలో రూ.2 లక్షల రుణమాఫీ చేసిన రాష్ట్రం మరొకటి లేదని సీఎం రేవంత్‌ రెడ్డి తెలిపారు.
25.50 లక్షల మంది రైతుల ఖాతాల్లో రూ.21 వేల కోట్లు జమ చేశామని పేర్కొన్నారు.
నారాయణపేటలో జరిగిన కార్యక్రమంలో ఇందిరమ్మ ఇళ్లు, రేషన్ కార్డుల పంపిణీ, రైతు భరోసా, ఇందిరమ్మ ఆత్మీయ భరోసా పథకాలను ఆయన ప్రారంభించారు.
భూమికి విత్తనానికి ఉన్న అనుబంధం రైతులకు కాంగ్రెస్‌తో కూడా ఉందని, ఉచిత కరెంట్‌ను అందించిన తొలి ప్రభుత్వం కాంగ్రెస్‌దే అని ఆయన గుర్తు చేశారు.
రేషన్ కార్డులు ఉన్న పేదలకు త్వరలో సన్నబియ్యం అందించనున్నామని, ఇవాళ అర్ధరాత్రి తర్వాత రైతుల ఖాతాల్లో రైతు భరోసా నిధులు జమ అవుతాయని సీఎం రేవంత్‌రెడ్డి స్పష్టం చేశారు.