Ananthababu: వైసీపీ ఎమ్మెల్సీ అనంతబాబుకు హైకోర్టులో ఎదురుదెబ్బ
ఈ వార్తాకథనం ఏంటి
వైఎస్సార్ కాంగ్రెస్ పార్టీ ఎమ్మెల్సీ అనంతబాబుకు ఆంధ్రప్రదేశ్ హైకోర్టులో భారీ ఎదురుదెబ్బ తగిలింది. దళిత యువకుడు,తన మాజీ డ్రైవర్ సుబ్రహ్మణ్యాన్ని హత్య చేసిన కేసులో రాజమహేంద్రవరం ఎస్సీ, ఎస్టీ ప్రత్యేక న్యాయస్థానం ఇచ్చిన తీర్పుపై స్టే ఇవ్వాలని అనంతబాబు కోరగా, హైకోర్టు స్పష్టంగా నిరాకరించింది. ఈ కేసు విచారణ కొనసాగేందుకు ఎలాంటి అడ్డంకులు లేవని పేర్కొంది. ఈ హత్య ఘటన 2022 మే 19న కాకినాడలో చోటు చేసుకుంది.అనంతబాబు తన డ్రైవర్‌ను హత్య చేసి, మృతదేహాన్ని నేరుగా అతని ఇంటికి డోర్ డెలివరీ చేసిన ఘటన రాష్ట్రవ్యాప్తంగా తీవ్ర సంచలనం కలిగించింది. ఈ కేసులో అనంతబాబు తానే హత్య చేశానని అంగీకరించిన విషయాన్నిఅప్పటి జిల్లాస్పెషల్ పోలీసు అధికారి (ఎస్‌పీ) రవీంద్రనాథ్‌బాబు మీడియాకు వెల్లడించారు.
వివరాలు
అనంతబాబుకు మధ్యంతర బెయిల్ మంజూరు
అనంతరం ఆయనను రాజమహేంద్రవరం కేంద్ర కారాగారానికి రిమాండ్‌కు తరలించారు. అయితే తర్వాత ఆయనకు మధ్యంతర బెయిల్ మంజూరు అయింది. ఈ నేపథ్యంలో బాధితుడి కుటుంబ సభ్యులు తమకు పూర్తి న్యాయం కావాలని డిమాండ్ చేస్తూ,ఈ కేసును సీబీఐకు అప్పగించి అనంతబాబుపై కఠిన చర్యలు తీసుకోవాలని విజ్ఞప్తి చేశారు. కేసు విషయంలో న్యాయం చేస్తామని, నిందితులను శిక్షిస్తామని ఎన్నికల సమయంలో కూటమి ప్రభుత్వం చెప్పినట్లుగానే కావడంతో,మృతుడి తల్లి ఫిర్యాదుపై తగిన చర్యలు తీసుకోవడం ప్రారంభించారు.
వివరాలు
90 రోజుల్లో సప్లిమెంటరీ ఛార్జ్‌షీట్‌ దాఖలు చేయాలని ఆదేశాలు
ఇటీవల, కేసు మరింత లోతుగా దర్యాప్తు చేయాలని లక్ష్యంగా, ప్రత్యేక దర్యాప్తు బృందం (సిట్) రాజమహేంద్రవరం ఎస్సీ, ఎస్టీ కోర్టును అనుమతికి కోరింది. కోర్టు ఈ అభ్యర్థనను ఆమోదించి, 90 రోజుల్లో సప్లిమెంటరీ ఛార్జ్‌షీట్‌ దాఖలు చేయాలని స్పష్టమైన ఆదేశాలు జారీ చేసింది. ఆ ఆదేశాలను సవాల్‌ చేస్తూ అనంతబాబు హైకోర్టును ఆశ్రయించగా ఆయనకు చుక్కెదురైంది.