IMD: 50 డిగ్రీల వేడితో ఉత్తర,మధ్య భారత దేశ ప్రజలు.. మే 30 తర్వాతే ఉపశమనం: ఐఎండి
ఎండలు,అధిక వేడితో ఉత్తర, మధ్య భారత దేశ ప్రజలు అల్లాడిపోతున్నారు.సగటు ఉష్ణోగ్రతలు 50 డిగ్రీల సెల్సియస్ దాటి పోయాయి. రాజస్థాన్ లోని చురు,హర్యానాలోని సిర్సాతో సహా ఢిల్లీలో ఉష్ణోగ్రతలు ఆల్ టైమ్ రికార్డుగా నిలిచాయి. ఎండ తీవ్రతతో వేడి గాలులు తోడయ్యాయి. దీనితో అక్కడి ప్రజలు భరించలేకపోతున్నారు.ఢిల్లీలోని నజఫగడ్,నరేలా,ముంగేష్ పూర్ లలో 49.9, 49.8 ఉష్ణోగ్రతలు నమోదయ్యాయి. గడిచిన మూడేళ్లలో ఈతరహా ఉష్ణోగ్రతలు తాము నమోదు చేయలేదని భారత వాతావరణ శాఖ పేర్కొంది. 2002 తర్వాత పై ప్రాంతాల్లో ఉష్ణోగ్రతలు పెరగటం ఇదే తొలిసారి అని IMD పేర్కొంది. మే 30వరకు ఇలానే వుంటుందని తెలిపింది.ఈవారాంతంలో వాయువ్య భారతదేశంలోని కొన్ని ప్రాంతాలలో పశ్చిమ ఆవర్తనం ఏర్పడుతుందని అంచనా.దీని వల్ల వర్షాలు పడవచ్చని చెప్పింది.
10వాతావరణ కేంద్రాలు ఈ నెలలో అత్యధిక గరిష్ట ఉష్ణోగ్రత
అదనపు ఉష్ణమండల వాతావరణ వ్యవస్థలు,ఇవి పశ్చిమం నుండి తూర్పు వైపుకు కదులుతాయన్నా IMD డైరెక్టర్ డైరెక్టర్ జనరల్ మృత్యుంజయ్ మహపాత్రా తెలిపారు. IMD ప్రకారం, 10 వాతావరణ కేంద్రాలు ఈ నెలలో అత్యధిక గరిష్ట ఉష్ణోగ్రతను నమోదు చేశాయి. ఆగ్రా-తాజ్ (48.6 డిగ్రీల సెల్సియస్), బీహార్‌లోని డెహ్రీ (47 డిగ్రీల సెల్సియస్), ఉత్తరప్రదేశ్‌లోని హమీర్‌పూర్ (48.2 డిగ్రీల సెల్సియస్) . కాగా ఉత్తరప్రదేశ్‌లోని ఝాన్సీ (49 డిగ్రీల సెల్సియస్), హర్యానాలోని నార్నాల్ (48.5 డిగ్రీల సెల్సియస్), అయానగర్-ఢిల్లీ (47.6 డిగ్రీల సెల్సియస్), న్యూఢిల్లీ-రిడ్జ్ (47.5 డిగ్రీల సెల్సియస్), మధ్యప్రదేశ్‌లోని రేవా (48.2 డిగ్రీల సెల్సియస్), రోహ్ తక్ హర్యానాలో (48.1 డిగ్రీల సెల్సియస్), ఉత్తరప్రదేశ్‌లోని వారణాసి (47.2 డిగ్రీల సెల్సియస్).
మే 30 నుండి ఉష్ణోగ్రతలు తగ్గుముఖం
అరేబియా సముద్రం నుండి తేమతో కూడిన గాలి చొరబాటు కారణంగా దక్షిణ రాజస్థాన్ జిల్లాలకు ఉపశమనం కలిగింది. దీనితో బార్మర్, జోధ్‌పూర్, ఉదయ్‌పూర్, సిరోహి , జలోర్ మంగళవారం నాలుగు డిగ్రీల వరకు ఉష్ణోగ్రతలు తగ్గుముఖం పట్టాయి. వాయువ్య భారతదేశం నుంచి వీచే గాలులతో ఉత్తర ప్రదేశ్ లో వాతావరణం ఈ నెలాఖరునాటికి చల్లబడవచ్చని IMD అంచనాగా వుంది. పలు వాతావరణ అంచనా సేకరించిన నమూనాలు మే 30 నుండి ఉష్ణోగ్రతలు తగ్గుముఖం పడతాయని తెలిపాయి. ఈ తగ్గుదల ధోరణి ఉత్తరం వైపు మరింతగా విస్తరిస్తుంది.
బంగాళాఖాతం నుండి తేమతో కూడిన గాలులు
అలాగే, బుధవారం నుండి బంగాళాఖాతం నుండి తేమతో కూడిన గాలులు ప్రవేశించడం వల్ల మే 30 నుండి ఉత్తర ప్రదేశ్‌లో గరిష్ట ఉష్ణోగ్రతలు క్రమంగా తగ్గే అవకాశం ఉందని IMD తెలిపింది. రాజస్థాన్, హర్యానా-చండీగఢ్-ఢిల్లీ, ఉత్తరప్రదేశ్, మధ్యప్రదేశ్‌లోని అనేక ప్రాంతాలలో బీహార్ , హిమాచల్ ప్రదేశ్‌లోని వివిధ ప్రాంతాల్లో చాలా ప్రాంతాలలో అధిక ఉష్ణోగ్రతలు నుండి గరిష్టమైన ఉష్ణోగ్రతలు పరిస్థితులు ఉన్నాయి" అని IMD వివరించింది.
