తమిళనాడు బీజేపీ చీఫ్ అన్నామలైపై స్టాలిన్ ప్రభుత్వం పరువు నష్టం కేసు
తమిళనాడు ముఖ్యమంత్రి ఎంకే స్టాలిన్ తరపు న్యాయవాది టీఎన్ బీజేపీ చీఫ్ అన్నామలైపై బుధవారం పరువు నష్టం కేసు నమోదు చేశారు. ఏప్రిల్ 2023లో డీఎంకే, డీఎంకె నేతృత్వంలోని ప్రభుత్వం అవినీతికి పాల్పడినట్లు ఆరోపిస్తూ తమిళనాడు బీజేపీ చీఫ్ అన్నామలై 'డీఎంకే ఫైల్స్'ను విడుదల చేసిన నేపథ్యంలో ఎం.కె. స్టాలిన్ ప్రభుత్వం ఈ చర్య తీసుకుంది. డీఎంకే ఫైల్స్‌పై పేరుతో ముఖ్యమంత్రి ఎంకే స్టాలిన్ పరువుకు అన్నామలై భంగం కలిగించినట్లు చెన్నై సిటీ పబ్లిక్ ప్రాసిక్యూటర్ ఆరోపించారు. చెన్నై మెట్రో కాంట్రాక్టు కోసం 2011లో ఎంకే స్టాలిన్ రూ. 200 కోట్లు చెల్లించారని అన్నామలై ఆరోపించారు.
క్షమాపణలు చెప్పేందుకు నిరాకరించిన అన్నామలై
స్టాలిన్ పార్టీకి చెందిన డీఎంకే నాయకులు రూ.34 లక్షల కోట్ల విలువైన ఆస్తులను వెనకేసుకున్నారని, రాష్ట్రంలో పెట్టుబడులు పెడుతున్న దుబాయ్ కంపెనీకి ముఖ్యమంత్రి కుటుంబ సభ్యులు డైరెక్టర్లుగా ఉన్నారని అన్నామలై ఆరోపించారు. అన్నామలైని శిక్షించడమే ఉత్తమమైన చర్య అని డీఎంకే అధికార ప్రతినిధి టీకేఎస్ ఎలంగోవన్ అన్నారు. డీఎంకే లీగల్ నోటీసు తర్వాత క్షమాపణలు చెప్పేందుకు అన్నామలై నిరాకరించారు. ఈ కేసుపై కోర్టులో అన్నామలై కోర్టులో పోరాడతారని బీజేపీ పేర్కొంది.
