Kavitha: తీన్మార్ మల్లన్నను అరెస్టు చేయాలి.. డీజీపీకి ఫిర్యాదు చేసిన కవిత
ఈ వార్తాకథనం ఏంటి
తనపై తీవ్రంగా అవమానకర వ్యాఖ్యలు చేశారంటూ ఎమ్మెల్సీ కవిత, తీన్మార్ మల్లన్నపై మండిపడ్డారు. మల్లన్నకు లభించిన శాసన మండలి సభ్యత్వాన్ని రద్దు చేయాలంటూ ఆమె మండలి ఛైర్మన్ గుత్తా సుఖేందర్ రెడ్డికి ఫిర్యాదు చేశారు. విచక్షణాధికారం వినియోగించి ఆయనను సస్పెండ్ చేయాలని కోరారు. ఈఅంశంపై ఆమె మీడియాతో మాట్లాడుతూ, మహిళల గౌరవాన్ని కించపరిచేలా మల్లన్న మాట్లాడారని విమర్శించారు. తెలంగాణ సంస్కృతిలో మహిళలకు విశిష్ట స్థానం ఉంది. బోనం ఎత్తే ఆడబిడ్డను అమ్మవారిలా చూస్తారు. ఇటువంటి భూమిపై మహిళలు రాజకీయాల్లోకి అడుగుపెడుతున్న తరుణంలో.. పదవిలో ఉన్న వ్యక్తి బాధ్యతారాహిత్యంగా వ్యాఖ్యలు చేయడం దారుణం. విమర్శలు అంశాలపై చేయాలి తప్ప వ్యక్తిగత దాడులుగా కాదు. రాజకీయాల్లోకి మహిళలు రావద్దన్నది ఆయన ఉద్దేశమా అని కవిత ప్రశ్నించారు.
Details
బీసీ ఉద్యమానికి అంకితంగా
తాము బీసీ హక్కుల కోసం 18 నెలలుగా పోరాటం చేస్తున్నాం. ఎప్పుడూ మల్లన్న పేరునే ప్రస్తావించలేదు. అయినా ఆయన ఇలా ఎందుకు మాట్లాడారో అర్థం కావడం లేదు. ప్రజల మద్దతుతో ముందుకెళ్తున్నాం. జాగృతి అనేక కార్యక్రమాలు చేపట్టింది. ఇంకా లక్షలాది మంది లీడర్లను తయారుచేస్తామని కవిత అన్నారు. జాగృతి కార్యకర్తల నిరసన తీన్మార్ మల్లన్న వ్యాఖ్యలపై ప్రజాస్వామ్యబద్ధంగా నిరసన తెలిపేందుకు జాగృతి కార్యకర్తలు వెళ్లారని, అలాంటి వారిపై కాల్పులకు పాల్పడటం బాధాకరమని ఆమె వ్యాఖ్యానించారు. ఇది ప్రజాస్వామ్యం. సామాన్యులపై కాల్పులు జరపడం ఎంతవరకు సమంజసం? ప్రజలే నిజమైన నిర్ణేతలు. తీన్మార్ మల్లన్న వ్యాఖ్యలకు ప్రజలు తగిన తీర్పు ఇస్తారన్నారు.