
Telangana Cabinet Meeting: తెలంగాణ కేబినెట్ సమావేశం.. ఫార్ములా ఇ, విద్యుత్ ఒప్పందాలపై చర్చ
ఈ వార్తాకథనం ఏంటి
ఈ రోజు మధ్యాహ్నం 2 గంటలకు తెలంగాణ కేబినెట్ సమావేశం నిర్వహించనుంది.
అసెంబ్లీ కమిటీ హాల్-1లో జరుగనున్న ఈ సమావేశంలో కేబినెట్ సభ్యులు పలు కీలక అంశాలపై చర్చించి నిర్ణయాలు తీసుకోవడంతో పాటు, శాసనసభలో ప్రవేశపెట్టేందుకు కొన్ని బిల్లులను ఆమోదించనున్నారు.
ఆర్ఓఆర్ (రూల్స్ ఆఫ్ రూట్) చట్టంలో సవరణలు ప్రతిపాదించనున్నారు. పంచాయితీ ఎన్నికల్లో, ఇద్దరు పిల్లలకు మించి ఉన్న వారు కూడా పోటీ చేయగలిగేలా పంచాయితీ రాజ్ చట్టంలో సవరణలు ప్రవేశపెట్టాలని నిర్ణయించనున్నారు.
రైతులకు సంబంధించిన భరోసా విధానాలు ఖరారు చేయాలని కూడా ఈ సమావేశంలో చర్చించనున్నారు.
Details
పలు కీలక నిర్ణయాలు తీసుకొనే అవకాశం
యాదాద్రి, భద్రాద్రి థర్మల్ విద్యుత్ కేంద్రాల నిర్మాణం, ఛత్తీస్గఢ్ విద్యుత్ కొనుగోలు ఒప్పందంపై జస్టిస్ మదన్ బీ లోకూర్ కమిషన్ నివేదికను పరిశీలించి, శాసనసభలో ప్రవేశపెట్టేందుకు అనుమతించనుంది.
'ఫార్ములా ఇ' రేసింగ్ వ్యవహారంలో మాజీ మంత్రి కేటీఆర్పై కేసు నమోదు చేసేందుకు గవర్నర్ ఆమోదం తెలిపిన విషయం తెలిసిందే.
ఈ విషయంపై మంత్రివర్గం చర్చించి, తదుపరి కార్యాచరణపై నిర్ణయం తీసుకోనుంది.
ఈ సమావేశం ద్వారా పలు కీలక నిర్ణయాలు తీసుకున్న తర్వాత వాటిని శాసనసభలో ప్రవేశపెట్టేందుకు ప్రభుత్వం సిద్ధమవుతుంది.