Telangana : మద్యం మత్తులో కొడుకును చంపిన కసాయి.. ఆపై బలవన్మరణానికి పాల్పడ్డ నాన్న
ఈ వార్తాకథనం ఏంటి
మద్యం మత్తులో కుమారుడ్ని ఓ తండ్రి కత్తితో పొడిచిన హృదయవిదారక ఘటన కామారెడ్డిలో చోటు చేసుకుంది.
కామారెడ్డి జిల్లా గాంధారి మండలం గుజ్జుల్ తండాకి చెందిన వసంతరావు -సరస్వతి దంపతుల కుమారుడు సురేష్(22) ఐదు నెలల క్రితం దుబాయ్ దేశానికి వెళ్లి స్వగ్రానికి తిరిగి వచ్చాడు.
అప్పట్నుంచి హైదరాబాద్'కు వచ్చి ప్రైవేట్ ఉద్యోగం చేస్తూ జీవినం సాగిస్తున్నాడు. రెండు రోజుల కిందట హైదరాబాద్ నుంచి స్వగ్రామం గుజ్జుల్'కు సురేష్ వచ్చాడు.
గల్ఫ్'లో ఉన్నప్పుడు డబ్బులు పంపిన విషయంలో తల్లి సరస్వతితో తండ్రి వసంతరావు మధ్య తీవ్ర వాగ్వాదం జరుగుతోంది. ఈ క్రమంలోనే కుమారుడు సురేష్ తండ్రికి వ్యతిరేకంగా మాట్లాడాడు.
DETAILS
కుమారుడి మృతి తట్టుకోలేక తండ్రి బలవన్మరణం
దీంతో మద్యం మత్తులో ఉన్న తండ్రి వసంతరావు(45) కత్తితో కుమారుడు సురేష్(22)పై చాతి, మెడ వీపు భాగంలో దాడి చేయగా సురేష్'కు తీవ్ర రక్తస్రావమైంది.
గమనించిన స్థానికులు హుటాహుటిన గాంధారి మండల కేంద్రంలోని ప్రైవేట్ దవాఖనాకు హుటాహుటిన తరలించారు.అప్పటికే సురేష్ మృతి చెందినట్లు డాక్టర్లు నిర్థారించారు.
మద్యం మత్తులో ఉన్న తండ్రి వసంతరావు కుమారుడి మరణాన్ని తట్టుకోలేక పురుగుల మందు తాగి ఆత్మహత్యయత్నానికి పాల్పడ్డాడు.
గమనించిన కుటుంబీకులు వసంతరావును చికిత్స నిమిత్తం నిజామాబాద్ ప్రభుత్వ ఆస్పత్రికి తరలించారు. అక్కడ చికిత్స పొందుతూ తండ్రి వసంతరావు మృతి చెందాడు.
తండ్రి, కొడుకు మృతి చెందడంతో తండాలో విషాద ఛాయలు అలుముకున్నాయి.బాధితురాలు సరస్వతి ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నట్లు తెలిపారు.