Tgsrtc : విజయవాడ రూట్ లో ప్రయాణించే ప్రయాణికులకు టీజీఎస్ఆర్టీసీ గుడ్ న్యూస్
ఈ వార్తాకథనం ఏంటి
విజయవాడ మార్గంలో ప్రయాణించే ప్రయాణికులకు తెలంగాణ ఆర్టీసీ శుభవార్తను ప్రకటించింది.
ఈ రూట్‌లో ప్రత్యేక రాయితీలను అందిస్తున్నట్లు వెల్లడించింది.
లహరి-నాన్ ఏసీ స్లీపర్ కమ్ సీటర్, సూపర్ లగ్జరీ సర్వీసుల టికెట్లపై 10% డిస్కౌంట్ ఉంటుందని ప్రకటించింది.
అంతేకాకుండా, రాజధాని ఏసీ బస్సుల్లో 8% డిస్కౌంట్ అందిస్తామని తెలిపింది.
ఈ రాయితీని ప్రయాణికులు పూర్తిగా వినియోగించుకోవాలని టీజీఎస్ఆర్టీసీ సూచించింది.
టికెట్ల ముందస్తు బుకింగ్ కోసం అధికారిక వెబ్‌సైట్‌ను సందర్శించాలని తెలిపింది.
వివరాలు
బెంగళూరు రూట్‌లోనూ ప్రత్యేక ఆఫర్!
తెలంగాణ నుంచి బెంగళూరుకు ప్రయాణించే ప్రయాణికులకూ టీజీఎస్ఆర్టీసీ శుభవార్త అందించింది.
ఈ మార్గంలో ప్రయాణించే వారికి 10% టికెట్ రాయితీ కల్పిస్తున్నట్లు ప్రకటించింది.
బెంగళూరు రూట్‌లో నడిచే అన్ని సర్వీసులకు ఈ డిస్కౌంట్ వర్తించనుంది.
ఈ తగ్గింపుతో ఒక్కో ప్రయాణికుడు రూ.100 నుంచి రూ.160 వరకు ఆదా చేసుకునే అవకాశం ఉందని ఆర్టీసీ అధికారులు పేర్కొన్నారు.
ఈ మార్గంలో టికెట్ల ముందస్తు బుకింగ్ కోసం అధికారిక వెబ్‌సైట్‌ను సందర్శించాలని సూచించారు.