Amit Shah:లోక్‌సభలో మూడు కొత్త క్రిమినల్ బిల్లులను ప్రవేశపెట్టనున్న హోంమంత్రి అమిత్ షా
దేశంలో నేర న్యాయ వ్యవస్థను పునరుద్ధరించేందుకు లోక్‌సభలో కేంద్రం ప్రవేశపెట్టిన మూడు కొత్త క్రిమినల్ చట్ట బిల్లులను పార్లమెంటరీ స్టాండింగ్ కమిటీ సిఫారసుల తర్వాత ప్రభుత్వం ఉపసంహరించుకుంది. కమిటీ సిఫార్సుల ఆధారంగా బిల్లుల కొత్త వెర్షన్‌లు రూపొందిస్తారు. భారతీయ న్యాయ సంహిత బిల్లు, 2023, భారతీయ నాగరిక్ సురక్ష సంహిత బిల్లు, 2023,భారతీయ సాక్ష్యా బిల్లు, 2023 ఆగస్టు 11న వర్షాకాల సమావేశాల సందర్భంగా మూడు బ్రిటీష్ కాలంనాటి చట్టాలను భర్తీ చేయడానికి పార్లమెంటులో ప్రవేశపెట్టబడ్డాయి. అవి ఇండియన్ పీనల్ కోడ్, కోడ్ క్రిమినల్ ప్రొసీజర్, ఇండియన్ ఎవిడెన్స్ యాక్ట్ .
కొత్త చట్టాలు భారత పౌరుల హక్కులను పరిరక్షించే స్ఫూర్తిని తీసుకువస్తాయి: అమిత్ షా
మూడు బిల్లులను సవివరమైన మూల్యాంకనం కోసం పార్లమెంటు సెలెక్ట్ కమిటీకి పంపించి, మూడు నెలల్లోగా తన నివేదికను సమర్పించాలని కమిటీని కోరింది. లోక్‌సభలో బిల్లులను ప్రవేశపెట్టిన సందర్భంగా కేంద్ర హోంమంత్రి అమిత్ షా మాట్లాడుతూ.. ఈ బిల్లుల ఆంతర్యం శిక్ష కాదని న్యాయాన్ని అందించడమేనని అన్నారు. ఇప్పటికే ఉన్న చట్టాలు బ్రిటీష్ పరిపాలనను రక్షించడం, బలోపేతం చేయడం, శిక్షించడమే తప్ప న్యాయం చేయడం కాదన్నారు. వాటిని భర్తీ చేయడం ద్వారా, మూడు కొత్త చట్టాలు భారత పౌరుల హక్కులను పరిరక్షించే స్ఫూర్తిని తీసుకువస్తాయని షా బిల్లుల ప్రవేశ సందర్భంగా చెప్పారు.
