KTR vs Siddharamaiah: కర్ణాటక సీఎం సిద్ధరామయ్య, కేటీఆర్ మధ్య ట్విట్టర్ వార్
ఎన్నిక‌ల ప్ర‌చారంలో ఓట్ల కోసం హామీలు ఇచ్చినంత మాత్రానా ఫ్రీగా ఇవ్వాలా? అయితే తమ దగ్గర డబ్బులు లేవని కర్ణాటక సీఎం సిద్ధరామయ్య అసెంబ్లీలో చెప్పిన వీడియో వైరల్ అవుతోంది. ఈ వీడియోపై బీఆర్ఎస్ వ‌ర్కింగ్ ప్రెసిడెంట్‌ కేటీఆర్ ట్విట్టర్ వేదికగా స్పందించారు. ఎన్నికల్లో ప్రజలకు ఇచ్చిన వాగ్దానాల అమలుకు డబ్బులు లేవని చెబుతున్న కర్ణాటక ప్రభుత్వాన్ని తెలంగాణలోని కాంగ్రెస్ ప్రభుత్వం అనుసరిస్తుందా? అని ప్రశ్నించారు. కేటీఆర్ ట్వీట్‌పై సిద్ధరామయ్య ఘాటుగా స్పందించారు. 'కేటీఆర్ తెలంగాణ అసెంబ్లీ ఎన్నికల్లో మీరు ఎందుకు ఓడిపోయారో తెలుసా? మీకు నిజమైన వీడియో ఏదో, నకిలీ వీడియో ఏదో తెలియదు. ఇలాంటి ఫేక్‌ వీడియోలను బీజేపీ సృష్టిస్తోంది. బీఆర్ఎస్ సర్క్యులేట్‌ చేస్తుంది' అని సిద్ధరామయ్య కౌంటర్ వేశారు.
