విజయ్ మాల్యా పారిపోయే ముందు విదేశాల్లో రూ.330కోట్లతో ఆస్తులు కొన్నారు: సీబీఐ
ఈ వార్తాకథనం ఏంటి
పరారీలో ఉన్న వ్యాపారవేత్త విజయ్ మాల్యా 2015-16లో ఇంగ్లండ్, ఫ్రాన్స్‌లలో రూ. 330 కోట్ల విలువైన ఆస్తులను కొనుగోలు చేశారని సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) పేర్కొంది. అదే సమయంలో అతని కింగ్‌ఫిషర్ ఎయిర్‌లైన్స్ తీవ్రమైన ఆర్థిక సంక్షోభాన్ని ఎదుర్కొంటున్నప్పటికీ విజయ్ మాల్యా విదేశాల్లో ఆస్తులను కొన్నారని చెప్పింది. గురువారం ఈ మాల్యాకు కేసుకు సంబంధించి ముంబయి కోర్టులో అనుబంధ ఛార్జిషీట్‌ దాఖలు చేసింది. మాల్యా ఎగ్గొట్టిన రుణాలను బ్యాంకులు రికవరీ చేయలేదని సీబీఐ తాజా చార్జిషీట్‌లో పేర్కొంది. 900 కోట్లకు పైగా ఐడీబీఐ బ్యాంక్-కింగ్‌ఫిషర్ ఎయిర్‌లైన్స్ రుణాల మోసం కేసులో మాల్యా నిందితుడిగా ఉన్నారు.
సీబీఐ
ఫ్రాన్స్‌లో రియల్ ఎస్టేట్‌లో పెట్టుబడులు, పిల్లల ట్రస్ట్‌కు నగదు బదిలీ
2008 నుంచి 2017 మధ్య బ్యాంకులకు తిరిగి చెల్లించడానికి మాల్యా వద్ద తగినంత డబ్బు ఉందని, అతను తన కింగ్‌ఫిషర్ ఎయిర్‌లైన్స్ లిమిటెడ్ (కేఎఎల్) కోసం రుణాలు తీసుకున్నాడని సీబీఐ వెల్లడించింది. తన వద్ద ఉన్నడబ్బుల్లో కొంత మొత్తాన్ని స్విట్జర్లాండ్‌లోని తన పిల్లల ట్రస్ట్‌లకు డబ్బును బదిలీ చేసినట్లు సీబీఐ గుర్తించింది. కోర్టు అనుమతితో మాల్యా లావాదేవీల వివరాలను కోరుతూ వివిధ దేశాలకు సీబీఐ లేఖలు రాసింది. మాల్యా ఫ్రాన్స్‌లో 35 మిలియన్ యూరోలను రియల్ ఎస్టేట్‌లో పెట్టుబడి పెట్టినట్లు సీబీఐ పేర్కొంది. 2016లో భారతదేశం నుంచి పరారైన మాల్యా ప్రస్తుతం యూకేలో నివసిస్తున్నారు. అయితే అతన్ని తిరిగి విచారణకు తీసుకురావడానికి చర్యలు కొనసాగుతున్నాయి.