ఏపీ వాసులకు మరో గుడ్ న్యూస్.. రాష్ట్రానికి మరో వందేభారత్ ఎక్స్‌ప్రెస్ రైలు
ఈ వార్తాకథనం ఏంటి
ఆంధ్రప్రదేశ్ ప్రజలకు రైల్వే శాఖ మరో గుడ్ న్యూస్ అందించింది. ఈ మేరకు మరో వందేభారత్ ఎక్స్‌ప్రెస్ రైలును రాష్ట్రానికి కేటాయించింది.
విజయవాడ - చెన్నై నగరాల మధ్య ఈ నెల 7 నుంచి వందేభారత్ రైలు రాకపోకలను ప్రారంభించనుంది. ఈ మేరకు సన్నాహాలు జరుగుతున్నాయి.
దేశవ్యాప్తంగా మరో ఐదు వందే భారత్ రైళ్లకు వర్చువల్ విధానంలో ప్రధాన మంత్రి నరేంద్ర మోదీ ప్రారంభోత్సవం చేయనున్నారు. అందులో భాగంగానే ఓ రైలు విజయవాడ - చెన్నై మధ్య నిర్వహించనున్నారని తెలుస్తోంది.
ఇప్పటికే రాష్ట్రంలో రెండు వందేభారత్ రైళ్లు పరుగులు తీస్తున్నాయి. సికింద్రాబాద్ నుంచి విశాఖపట్నం, సికింద్రాబాద్ నుంచి తిరుపతికి మరో రైలు సర్వీస్ అందుబాటులో ఉంది. తాజాగా మూడో రైలు రానుంది.
DETAILS
ఏపీ వాసులకు మరో గుడ్ న్యూస్.. రాష్ట్రానికి మరో వందేభారత్ రైలు
ఈ నెల 8 నుంచి మూడో రైలు సర్వీస్ పూర్తి స్థాయిలో అందుబాటులోకి వస్తుందని సమాచారం. రైలు ఆగే స్టేషన్లు, రాకపోకల షెడ్యూల్, టికెట్ ధరలు తదితర వివరాలను మరో రెండు రోజుల్లో ప్రకటించనున్నట్లు రైల్వే అధికారులు తెలిపారు.
విజయవాడ - రేణిగుంట మధ్య రాకపోకలు సాగించే ప్రయాణికులను దృష్టిలో ఉంచుకుని రేణిగుంట మీదుగా రైలును నడపాలని విజయవాడ రైల్వే డివిజన్ అధికారులు ప్రతిపాదనలు చేసినట్లు సమాచారం.
ఈ మేరకు విజయవాడ నుంచి గూడూరు, రేణిగుంట, కాట్పాడి (తమిళనాడు) మీదుగా చెన్నై చేరనుంది. తిరుగు ప్రయాణంలోనూ అదే మార్గంలో గమ్యస్థానం చేరుకోనుంది.
విజయవాడ - తిరుపతి మధ్య రాకపోకలు సాగించే ప్రయాణికుల రద్దీని దృష్టిలో ఉంచుకొని ఈ రైలును నడిపించనున్నారు.