Operation Kalanemi: 'ఆపరేషన్ కలనేమి' అంటే ఏమిటి? మత మార్పిడిచేసినందుకు ఉత్తరాఖండ్‌లో 14 మంది నకిలీ బాబాలు అరెస్ట్
ఈ వార్తాకథనం ఏంటి
ఉత్తరాఖండ్ ప్రభుత్వం ప్రజలను మోసం చేయడం,మత మార్పిడికి పాల్పడటం వంటి అక్రమ కార్యకలాపాలను రోదించేందుకు 'ఆపరేషన్ కాలనేమి'ను ప్రారంభించింది. ఈ ఆపరేషన్ ద్వారా ఇప్పటి వరకు మొత్తం 14 మంది నకిలీ బాబాలను పోలీసులు అరెస్ట్ చేశారు. ఈ నకిలీ బాబాలలో కొందరు బంగ్లాదేశ్ పౌరులుగా గుర్తించినట్లు పోలీసులు అధికారులు వెల్లడించారు. అలాగే,ఈ కార్యక్రమంలో రాష్ట్ర వ్యాప్తంగా 5,500 మందికి పైగా వ్యక్తులను పోలీసులు ప్రశ్నించినట్లు పేర్కొన్నారు. వీరిలో 1,182 మందిపై నేరపూరిత చర్యలు తీసుకున్నట్లు వివరించారు. 'ఆపరేషన్ కాలనేమి'ని ఉత్తరాఖండ్ పోలీసులు ఈ సంవత్సరం జూలై నెలలో ప్రారంభించారు. ఐజీపీ భరానే ఈ ఆపరేషన్‌ను అద్భుతమైన విజయంగా వివరించారు.
వివరాలు
300 మంది అరెస్టు
పెద్ద సంఖ్యలో ప్రజలను ప్రశ్నించినట్లు చెప్పారు. ఆగస్ట్‌లో 4,000 మందిని పోలీసులు ప్రశ్నించిన తర్వాత 300 మందిని అరెస్టు చేసినట్లు వివరించారు. హరిద్వార్‌లో మొత్తం 2,704 మందిని తనిఖీ చేసిన తర్వాత ముగ్గురు నకిలీ బాబులను అరెస్ట్ చేయగా, డెహ్రాడూన్‌లో 922 మందిని తనిఖీ చేసి ఐదుగురిని అరెస్ట్ చేసినట్లు ఐజీపీ భరానే తెలిపారు. టెహ్రీ, పౌరి, అల్మోరా, నైనిటాల్ మరియు ఇతర జిల్లాల్లోనూ ఈ ఆపరేషన్ క్రింద సంభవించిన అక్రమ కార్యకలాపాలపై పోలీసులు చర్యలు చేపట్టినట్లు తెలిపారు. 'దేవభూమి పవిత్రతను కాపాడడం'నే ఈ ఆపరేషన్ ప్రధాన లక్ష్యంగా పేర్కొన్నారు.
వివరాలు
నకిలీ వైద్యుడిగా నటిస్తూ .. సెలాకీలో నకిలీ పత్రాలతో..
అంతే కాకుండా, బంగ్లాదేశ్ పౌరుడైన అమిత్ కుమార్ బెంగాలీ నకిలీ వైద్యుడిగా నటిస్తూ గత ఎనిమిది సంవత్సరాలుగా సెలాకీలో నకిలీ పత్రాలతో నివసిస్తున్నాడని ఐజీపీ భరానే తెలిపారు. అతడి ఆధారాలు పరిశీలించి అరెస్ట్ చేసినట్లు చెప్పారు. అలాగే, జమ్ముకశ్మీర్‌లోని అనంత్‌నాగ్‌కు చెందిన ఇఫ్రాజ్ అహ్మద్ మత మార్పిడి కేసులో అరెస్ట్ చేసినట్లు వివరించారు. అదేవిధంగా, ఢిల్లీకి చెందిన రాజ్ అహుజా అనే వ్యక్తి ధనవంతుడుగా ప్రవర్తించి మహిళలతో సంబంధాలు పెట్టుకుని నకిలీ బాబాగా వెలుగులోకి వచ్చినట్లు వెల్లడించారు. అతడిని కూడా సెలాకీలో పోలీసులు అరెస్ట్ చేశారు.