Live-In Partner: సోదరుడి సహకారంతో లివ్-ఇన్-పార్టనర్ ని హత్య చేసిన మహిళ
గురుగ్రామ్‌లో ఓ మహిళ తన సోదరుడితో కలిసి తన భాగస్వామిని హత్య చేసింది. చనిపోయిన యువకుడితో ఆ మహిళ గత ఆరేళ్లుగా లివ్ ఇన్ రిలేషన్‌షిప్‌లో జీవిస్తోంది. ఈ ఘటనపై కేసు నమోదు చేసుకున్న పోలీసులు నిందితురాలిని అరెస్టు చేయగా, మహిళ సోదరుడు పరారీలో ఉన్నాడు. గురుగ్రామ్‌లోని అశోక్ విహార్‌లో నివాసం ఉంటున్న నీతు అలియాస్ నిషా (34), విక్కీ (28) గత ఆరేళ్లుగా ప్రేమలో ఉన్నారని పోలీసులు తెలిపారు. ఆ మహిళకు వివాహమైనా భర్త నుంచి విడిపోయింది. పోలీసులు తెలిపిన వివరాల ప్రకారం.. మహిళ 15 ఏళ్ల చిన్నారికి తల్లి.
సోదరుడి సహకారంతో మహిళ హత్య
న్యూస్ ఏజెన్సీ ప్రకారం, సిటీ కోర్టు నీతును ఒక రోజు పోలీసు కస్టడీకి పంపినట్లు అధికారి తెలిపారు. మహిళ సోదరుడు పరారీలో ఉండడంతో అతడిని పట్టుకునేందుకు పోలీసులు ప్రయత్నిస్తున్నారు. పోలీసులు తెలిపిన వివరాల ప్రకారం.. శుక్రవారం అర్థరాత్రి కచ్చి కాలనీలోని ఓ ఇంట్లో విక్కీ శవమై కనిపించాడు. తిక్రి గ్రామంలో తన సోదరుడి సహకారంతో మహిళ హత్య చేసిందని పోలీసులు తెలిపారు. విక్కీని ఎవరో హత్య చేశారని మృతుడి సోదరుడు పోలీసులకు ఫిర్యాదు చేశాడు. శనివారం సదర్ పోలీస్ స్టేషన్‌లో సెక్షన్‌లు 302 (హత్య), 34 (సాధారణ ఉద్దేశ్యం) కింద ఎఫ్‌ఐఆర్ నమోదు చేసినట్లు పోలీసులు తెలిపారు.
విక్కీ,నీతు మధ్య వాగ్వాదం
సదర్ పోలీస్ స్టేషన్ ఎస్‌హెచ్‌ఓ ఇన్‌స్పెక్టర్ అర్జున్ దేవ్ నేతృత్వంలోని పోలీసు బృందం కేసును ఛేదించి, ఘటా గ్రామానికి చెందిన నీతును ఆదివారం అరెస్టు చేసింది. ఆమె వద్ద నుంచి విక్కీ మొబైల్ ఫోన్‌ను కూడా పోలీసులు స్వాధీనం చేసుకున్నారు. ఎస్‌హెచ్‌ఓ మాట్లాడుతూ.. శుక్రవారం అర్ధరాత్రి నీతూ, ఆమె సోదరుడు విక్కీ గదికి చేరుకున్నారని ఆమె సోదరుడు విక్కీ కలిసి మద్యం సేవించారని, ఆ తర్వాత వీరి మధ్య వాగ్వాదం జరిగిందని నిందితురాలు నీతూ వెల్లడించింది. ఇంతలో నీతూ విక్కీపై దాడికి పాల్పడింది. విక్కీ మెడ, తలపై గట్టి కొట్టడంతో అతను మరణించాడు. కేసును తప్పుదోవ పట్టించేందుకు నీతూ, విక్కీ మొబైల్‌తో పారిపోయింది.
