వాలెంటైన్స్ డే: మీ పార్ట్ నర్ కి మసాజ్ గిఫ్ట్ ఇవ్వండిలా
ఫిబ్రవరి వచ్చేసింది. రొమాంటిక్ మంత్ లో ప్రేమికుల రోజు గురించి ప్లానింగ్ ఇప్పటి నుండే మొదలుపెట్టే వాళ్ళు చాలామంది ఉన్నారు. ఈసారి ప్రేమికుల రోజున మీ పార్ట్ నర్ కి మంచి బహుమతి ఇవ్వాలనుకుంటే మసాజ్ థెరపీ ట్రై చేయండి. వినడానికి కొత్తగా ఉన్నా మీరు విన్నది నిజమే. మసాజ్ వల్ల ఒత్తిడి, యాంగ్జాయిటీ దూరమవుతాయి. మీ ఇంట్లో మీరు మీ పార్ట్ నర్ కి మసాజ్ చేయండి. మసాజ్ చేయడం ఎలాగో తెలియకపోతే ఇక్కడ చూడండి. మసాజ్ చేయడానికి మూడ్ సెట్ చేయండి: చిన్నపాటి సౌండ్ తో రొమాంటిక్ మ్యూజిక్ పెట్టి సెంటెడ్ క్యాండిల్స్ వెలిగించి తక్కువ వెలుతురులో స్పా మాదిరి సెటప్ సృష్టించండి. ఫోన్స్ పక్కన పెట్టేయండి.
మసాజ్ రకాలు, చేయాల్సిన విధానాలు
ఫుట్ మసాజ్: వెల్లకిలా పడుకున్న పార్ట్ నర్ పాదాలను ఎప్సమ్ సాల్ట్ తో కడగాలి. ఆ తర్వాత దిండుమీద పాదాలను ఉంచి, మడమను, వేళ్ళను పట్టుకుని మెల్లిగా తిప్పాలి. కాళ్ళకు ఫుట్ క్రీమ్ మర్దన చేసి నెమ్మదిగా వత్తాలి. మడమ వెనకాల కొంచెం పైన గిల్లాలి, కాలి వేళ్ళను మడమతో పాటు కిందకు వంచాలి. హెడ్ మసాజ్: లావెండర్ ఆయిల్ మర్దన చేసి, వేలికొసలతో నెత్తిమీద నుండి మెడ భాగం వరకు చిన్నగా వత్తాలి. మెడ మసాజ్: వెల్లకిలా పడుకోబెట్టి ఆయిల్ తీసుకుని మెడ మీద మర్దన చేసి, మెడ కండరాల మీద చిన్నగా తట్టాలి. వేలికొసలతో మెడను, భుజాలను బలంగా వత్తాలి. చెవి వెనక భాగాన్ని నెమ్మదిగా వత్తి వదిలేయాలి.
