కేశ సంరక్షణ: వర్షాకాలంలో చుండ్రు ఏర్పడకుండా ఉండాలంటే కావాల్సిన టిప్స్ ఇవే
ఈ వార్తాకథనం ఏంటి
వేసవి వేడికి విసిగిపోయిన జనాలకు వర్షాకాలం చల్లని వాతావరణం మంచి ఉపశమనం కలిగిస్తుంది. అయితే చల్లదనాన్ని అందించే వర్షాకాలం, జుట్టులో చుండ్రును ఏర్పరిచి కొన్ని ఇబ్బందులను తీసుకొస్తుంది.
వర్షాకాలంలో తేమ ఎక్కువగా ఉంటుంది కాబట్టి జుట్టులో చుండ్రు తొందరగా తయారవుతుంది.
ప్రస్తుతం వర్షాకాలంలో చుండ్రు ఏర్పడకుండా ఉండాలంటే ఏం చేయాలో చూద్దాం.
యాంటీ డాండ్రఫ్ షాంపూ వాడాలి:
క్రమం తప్పకుండా యాంటీ డాండ్రఫ్ షాంపూ వాడటం వల్ల నెత్తి మీద ఏర్పడిన జిడ్డు, మురికి, చనిపోయిన చర్మ కణాలు తొలగిపోతాయి.
షాంపూ చేసిన తర్వాత కండీషనర్ ని వాడే అలవాటు ఉంటే కుదుళ్ళ లోపలికి కండీషనర్ ని మర్దన చేయకపోతే మంచిది.
Details
వేడినీళ్లతో స్నానం చుండ్రుకు హాయ్ చెప్పడమే
వేడినీటితో స్నానం అసలే వద్దు:
వేడినీటితో స్నానం చేస్తే చుండ్రు తయారవుతుంది. అందుకే గోరువెచ్చని, సాధారణంగా చల్లగా ఉండే నీటితో స్నానం చేయాలి. అలాగే వేడిని ఉత్పత్తి చేసే స్ట్రెయిట్నెర్స్, కర్లింగ్ ఐరన్స్ వాడవచ్చు.
నెత్తి మీద రుద్దవద్దు:
చాలామందికి నెత్తి మీద దురదగా ఉన్నట్టు అనిపించి రుద్దుతుంటారు. ఇలా అస్సలు చేయకూడదు. అలాగే జుట్టును పూర్తిగా పొడిబారనివ్వాలి. తడిసిన జుట్టును అలాగే వదిలేస్తే చుండ్రు తయారవుతుంది.
చనిపోయిన చర్మ కణాలను తొలగించండి:
వర్షాకాలంలో నెత్తి మీద చర్మం పొరలు పొరలుగా ఊడిపోతున్నట్టుగా కనిపిస్తుంది. చనిపోయిన చర్మ కణాలు నెత్తిమీద నుండి బయటకు వెళ్ళిపోతుంటాయి.
షాంపూతో స్నానం చేసినా కూడా ఈ పొరలు పూర్తిగా తొలగిపోవు. అందుకే స్క్రబర్ వాడితే బాగుంటుంది.