జుట్టు రాలిపోకుండా, పొడుగ్గా పెరగడానికి వాడాల్సిన ఆయిల్
ఈ వార్తాకథనం ఏంటి
ఈ కాలంలో జుట్టు సమస్యలు ప్రతీ ఒక్కరికీ వస్తున్నాయి. యవ్వనంలోనే జుట్టు రాలిపోవడం, తెల్లబడటం.. మొదలగు సమస్యలు ఇబ్బంది పెడుతున్నాయి.
జుట్టు సమస్యలు రావడానికి కారణాలు:
జుట్టుకు సరైన పోషకాలు అందకపోవడం, అంటే జుట్టుకు పోషణ అందించే ఆహారాలను తీసుకోకపోవడం, రసాయనాలుండే జుట్టు ప్రోడక్టులు వాడటం, కాలుష్యం, ఒత్తిడి, హార్మోన్లు సరిగ్గా విడుదల కాకపోవడం, లేదా ఎక్కువ విడుదల కావడం.. ఇలా అనేక కారణాలున్నాయి.
అయితే జుట్టును ఆరోగ్యంగా ఉంచడానికి కొన్ని ఆయిల్స్ పనిచేస్తాయి. వాటిల్లో ప్రస్తుతం జింజర్ ఆయిల్ (అల్లం నూనె) గురించి చెప్పుకుందాం.
అల్లంలో యాంటీ ఆక్సిడెంట్లు పుష్కలంగా ఉంటాయి. అలాగే రక్తప్రసరణను మెరుగుపరిచే పోషకాలు ఇందులో ఉంటాయి. అందుకే జుట్టు సంరక్షణకు ఇది బాగా ఉపయోగపడుతుంది.
Details
అల్లం నూనెను ఎలా వాడాలంటే?
జుట్టుకు సరైన పోషణ అందాలంటే, ఒక టేబుల్ స్పూన్ అల్లం నూనె తీసుకుని, రెండు టేబుల్ స్పూన్ల జోజోబా ఆయిల్ లో కలపాలి.
ఈ మిశ్రమాన్ని జుట్టుకు మర్దన చేయాలి. ఆ తర్వాత 20నిమిషాలకు తలస్నానం చేస్తే సరిపోతుంది. ఇలా వారానికి రెండుసార్లు చేస్తే బాగుంటుంది.
అల్లం నూనెలో కొబ్బరి నూనె కలుపుకుని కూడా జుట్టుకు మర్దన చేసుకోవచ్చు. మర్దన చేసుకున్న తర్వాత 20నిమిషాలకు తలస్నానం చేయాలి. వారంలో రెండుసార్లు ఇలా చేయాలి.
దీనివల్ల వెంట్రుకల కుదుళ్ళు బలపడతాయి. జుట్టుకు పోషణ అంది, వెంట్రుకలు ఊడిపోకుండా ఉంటాయి.
అలాగే ఆహారంలో జుట్టుకు పోషకాలను అందించే ఆహారాలైన, బాదం, సోయా, పనీర్, వాల్ నట్స్, పప్పు ధాన్యాలు, వేరుశనగలు తీసుకుంటే మంచిది.