Rose Face Gel: వేసవిలో చర్మం మెరుస్తూ తాజాగా ఉండాలంటే.. రోజ్ ఫేస్ జెల్ వాడండి
వేడి, చెమట కారణంగా, మన చర్మం జిగటగా, నిస్తేజంగా కనిపిస్తుంది. అటువంటి పరిస్థితిలో, అనేక రకాల చర్మ సంరక్షణ, సౌందర్య సాధనాలను ఉపయోగించిన తర్వాత కూడా ముఖంలో మెరుపు కనిపించదు. కానీ పురుషులు, మహిళలు ఇద్దరూ తమ చర్మం గ్లోను మెయింటెయిన్ చేయాలని, ప్రతి సీజన్‌లో దానిని తాజాగా ఉంచాలని కోరుకుంటారు. ఇది మీకు కూడా మంచి అనుభూతిని కలిగిస్తుంది. కానీ ఈ సీజన్‌లో సూర్యకాంతి, వేడి, చెమట వల్ల అనేక చర్మ సంబంధిత సమస్యలు మొదలవుతాయి. వేసవి కాలంలో చల్లటి పదార్ధాలు అంటే.. దోసకాయ, పెరుగు, కలబంద, రోజ్ వాటర్ వంటివి ముఖానికి రాసుకుంటే చర్మం చల్లబడుతుంది.
కొందరు రోజ్ వాటర్ ను టోనర్ గా ఉపయోగిస్తారు
ప్రజలు వాటిని వివిధ మార్గాల్లో ఉపయోగిస్తారు. కొందరు వాటిని మిక్స్ చేసి ఫేస్ ప్యాక్‌ లా చేసి అప్లై చేస్తారు. కానీ చాలా మంది రోజ్ వాటర్ ను టోనర్ గా ఉపయోగించేందుకు ఇష్టపడతారు. కానీ మీరు దాని జెల్‌గా కూడా తయారు చేసి మీ ముఖానికి రాసుకోవచ్చు. ఇంట్లో తయారుచేసిన నేచురల్ రోజ్ ఫేస్ జెల్ చర్మం కోల్పోయిన మెరుపును తిరిగి తీసుకురావడానికి,ముఖం తాజాగా ఉండేలా చేయడంలో సహాయపడుతుంది. అలాగే,చర్మాన్ని హైడ్రేట్ గా ,మృదువుగా ఉంచడంలో ఇది ప్రయోజనకరంగా ఉంటుంది. దీన్ని చేయడానికి, మీకు గులాబీ రేకులు, బాదం నూనె, గ్లిజరిన్, విటమిన్ ఈ క్యాప్సూల్, అలోవెరా జెల్ అవసరం. ఇలా ఇంట్లోనే రోజ్ జెల్ తయారు చేసుకుని వాడుకోవచ్చు.
రోజ్ ఫేస్ జెల్ ఎలా తయారు చేయాలి
దీన్ని చేయడానికి, మీ అవసరాన్ని బట్టి గులాబీ రేకులను బాగా కడిగిన తర్వాత,వాటిని బ్లెండర్ జార్‌లో వేసి బాగా బ్లెండ్ చేయండి. ఆ తర్వాత కొన్ని చుక్కల బాదం నూనె వేసి బ్లెండ్ చేసి మెత్తని పేస్ట్ లా చేసుకోవాలి. ఇప్పుడు ఈ మిశ్రమాన్ని చక్కటి జల్లెడ సహాయంతో ఫిల్టర్ చేయండి. ఇప్పుడు ఒక గిన్నెలో గులాబీ రేకుల పేస్ట్ వేసి, ఇప్పుడు అందులో గ్లిజరిన్,విటమిన్ ఈ ఆయిల్ క్యాప్సూల్స్ వేసి బాగా మిక్స్ చేసి, అందులో అలోవెరా జెల్ వేసి, పేస్ట్ మెత్తగా జెల్ రూపంలో వచ్చే వరకు కలపాలి. ఇంట్లో తయారుచేసిన రోజ్ ఫేస్ జెల్ సిద్ధంగా ఉంది. ఇప్పుడు దానిని గట్టి కంటైనర్‌లో నిల్వ చేసి ఉపయోగించండి.
