Dussehra Special : బూందీతో లడ్డూ మాత్రమేనా..? ఇప్పుడు కొత్త మిఠాయి ప్రయత్నించండి!
ఈ వార్తాకథనం ఏంటి
బూందీ అనగానే మనకు సాధారణంగా లడ్డూ గుర్తుకు వస్తుంది. కానీ లడ్డూ మాత్రమే కాదు, బూందీతో అనేక రకాల స్వీట్లు తయారు చేయవచ్చు. వాటిలో ఒకటి బూందీ మిఠాయి. ఎక్కువ మంది దీన్ని సరిగ్గా తయారు చేయలేక బయట స్వీట్ షాపుల్లో కొనుగోలు చేస్తారు. కానీ ఇప్పుడు కొన్ని సులభమైన కొలతలు, టిప్స్ పాటిస్తే ఇంట్లోనే బూందీ మిఠాయి సూపర్‌గా తయారు చేసుకోవచ్చు. కావాల్సిన పదార్థాలు 2 కప్పుల శనగపిండి పావు టీ స్పూన్ ఉప్పు 1.5 కప్పులు బెల్లం కొద్దిగా యాలకుల పొడి 1 టీ స్పూన్ నెయ్యి (ఆప్షనల్) నూనె (తగినంతగా)
Details
తయారీ విధానం
1. పిండిని తయారు చేయడం ఓ గిన్నె తీసుకుని జల్లించిన శనగపిండి, ఉప్పు వేసి కొద్దిగా నీళ్లు పోసి **మీడియం మిశ్రమం** అయ్యేలా కలపాలి. ఎక్కువ పలుచగా లేదా ఎక్కువగా చిక్కగా కాకుండా ఉండాలి. 2. నూనె కలపడం ఈ మిశ్రమంలో ఒక టేబుల్ స్పూన్ నూనె వేసి బాగా కలిపి, కొద్దికాలం పక్కకు పెట్టాలి. 3. నూనె వేడి చేయడం స్టౌ ఆన్ చేసి ఫ్రై చేయడానికి సరిపడా నూనె వేడి చేయాలి.
Details
4. బూందీ చేయడం
మరిగే నూనెలో రెండు అంగుళాల పైన జల్లిని పెట్టి నెమ్మదిగా పిండిని పోసి, గరిటెతో చిన్నగా తిప్పుతూ బూందీ నూనెలోకి పడేలా చూడాలి. మీడియం ఫ్లేమ్‌లో కలుపుతూ, లేత గోధుమ రంగులోకి మారగానే కడాయి నుంచి తీసి పక్కకు పెట్టాలి. 5. పాకం తయారీ స్టౌ ఆన్ చేసి ఓ పాన్‌లో బెల్లం, పావు కప్పు నీళ్లు వేసి మధ్యమ ఫ్లేమ్‌లో కరిగించాలి. మధ్యలో కలుపుతూ గట్టి పాకం వచ్చే వరకు ఉంచాలి. 6. ఫ్లేవరింగ్ గట్టి పాకం వచ్చాక స్టౌ ఆఫ్ చేసి యాలకుల పొడి, నెయ్యి వేసి బాగా కలపాలి. 7. బూందీ కలపడం బూందీని పాకానికి వేసి, పాకం పట్టేలా బాగా కలపాలి.
Details
8. చల్లరించడం, కట్ చేయడం
మిశ్రమాన్ని నెయ్యి రాసిన గిన్నెలో వేసి, మరో చిన్న గిన్నెతో ప్లేటంతా స్ప్రెడ్ చేసి చల్లారనివ్వాలి. కొద్దిగా చల్లారిన తర్వాత మనకు నచ్చిన ఆకారంలో ముక్కలుగా కట్ చేయడం ద్వారా టేస్టీ బూందీ మిఠాయి సిద్ధం!