Diabetes: వేసవిలో మధుమేహం ఉన్నవారు పాటించాల్సిన కీలక జాగ్రత్తలివే
ఈ వార్తాకథనం ఏంటి
వేసవి కాలంలో మధుమేహం ఉన్నవారికి యాత్రలు కొంత ఇబ్బందికరంగా మారవచ్చు. వేడి వాతావరణంలో నీటిశాతం తగ్గడం (డీహైడ్రేషన్‌) త్వరగా జరుగుతుంది. తగినంత నీరు తాగకపోతే రక్తంలో గ్లూకోజు స్థాయులు పెరిగే అవకాశం ఉంది. మూత్రం ఎక్కువగా రావడం వల్ల మరింత నీరు తగ్గిపోతుంది. పైగా మధుమేహం ఉన్నవారిలో రక్తనాళాలు, నాడులు దెబ్బతినడం వల్ల చెమట గ్రంథులు సరిగా పనిచేయకపోవచ్చు. దీంతో శరీరం చల్లబడకపోవచ్చు. అయితే కొన్ని జాగ్రత్తలు తీసుకుంటే వేడిలోనూ యాత్రలను ఆనందంగా ఆస్వాదించవచ్చు.
Details
జాగ్రత్తలు
1. ఎక్కువగా నీరు తాగాలి దాహం వేయకపోయినా సరే, తగినంత నీరు తాగాలి. కెఫీన్‌ ఉన్న కాఫీ, కూల్‌డ్రింకులు, మద్యం వంటి వాటిని నివారించాలి. ఇవి నీరు త్వరగా బయటకు వెళ్లేలా చేస్తాయి. 2. గ్లూకోజు స్థాయులను తరచూ చెక్‌ చేసుకోవాలి వేడికి గ్లూకోజు స్థాయిలు మారుతాయి. తరచూ పరీక్షించుకుని, ఇన్సులిన్‌ మోతాదులను అవసరాన్ని బట్టి సర్దుబాటు చేసుకోవాలి. 3. ఎండను తప్పించుకోండి ఉదయం 10 గంటల నుంచి సాయంత్రం 4 గంటల వరకు ఎండలో తిరగకూడదు. అవసరమైతే ఏసీ గదుల్లో ఉండటం మంచిది. 4. సరైన దుస్తులు ధరించాలి లేత రంగు, వదులైన నూలు దుస్తులు ధరించాలి. శరీరానికి గాలి తగిలేలా ఉండే దుస్తులు మంచివి.
Details
5. పాదాలకు ప్రత్యేక శ్రద్ధ
సౌకర్యవంతమైన షూ, సాక్స్‌ ధరించాలి. ఇవి పాదాలను దెబ్బతినకుండా కాపాడతాయి. 6. వ్యాయామం ఉదయం లేదా సాయంత్రం ఎండ తక్కువగా ఉన్న ఉదయం లేదా సాయంత్రం వ్యాయామం చేయాలి. లేదా నీడలోనే వ్యాయామం చేయాలి. 7. అందుబాటులో గ్లూకోజు ఉంచుకోవాలి ప్రయాణంలో గ్లూకోజు బిళ్లలు, పళ్లరసాలు వెంట ఉంచుకోవాలి. ఉన్నట్టుండి గ్లూకోజు పడిపోతే వెంటనే తీసుకోవచ్చు. 8. ఇన్సులిన్‌ భద్రత ఇన్సులిన్‌ను చల్లని ప్రత్యేక పెట్టెలో భద్రపరచుకోవాలి. వేడికి ఇన్సులిన్‌ చెడిపోవచ్చు. 9. మందుల విషయంలో జాగ్రత్త యాత్రకు వెళ్లే ముందు డాక్టర్‌ను సంప్రదించి మందులను మార్చుకోవాల్సిన అవసరం ఉందేమో తెలుసుకోవాలి.
Details
నీరు మాత్రమే కాదు, ఇతర ద్రవాలు కూడా
రోజూ కనీసం 2 లీటర్ల నీరు తాగాలి. పలుచటి మజ్జిగ, నిమ్మరసం, టొమాటోరసం (చక్కెర లేకుండా) తీసుకోవచ్చు. పుదీనా, తులసి, జీరా నీళ్లు తాగడం మంచిది. పీచు అధికంగా ఉండే ఆకుకూరలు, క్యాబేజీ ఎక్కువగా తీసుకోవాలి. రక్తంలో గ్లూకోజు నియంత్రణలో ఉన్నప్పుడు పుచ్చకాయ ముక్క తినొచ్చు. కీరదోస, లస్సీ వంటి తక్కువ కేలరీల ఆహారం తీసుకోవచ్చు. గుమ్మడి, పొట్లకాయ, సొరకాయ, కాకర వంటి కూరగాయలు రోజూ తినాలి.