ప్రేరణ: నీ చుట్టూ ఉన్న ప్రపంచం మారాలంటే నీ ఆలోచనలు మారాలి
ఈ వార్తాకథనం ఏంటి
మీ ఆలోచనలను బట్టి మీ ప్రవర్తన ఉంటుంది. మీరు దేని గురించైతే ఆలోచిస్తుంటారో అదే ప్రపంచం మీ చుట్టూ తయారవుతుంది.
అందుకే, మీలో మార్పు రావాలని కోరుకుంటే మీ ఆలోచనలను మార్చుకోవాలి. ఆలోచనలు అనేవి మిమ్మల్ని భవిష్యత్తులో ఎక్కడ ఉంచాలో డిసైడ్ చేస్తాయి.
నువ్వు ఐఏఎస్ కావాలని ఆలోచిస్తూ కూర్చుంటే, దానికోసం మార్గం కనిపిస్తుంది. కనిపించిన మార్గం గుండా వెళ్తూ ఉంటే ఐఏఎస్ అయిపోతావు.
నీకసలు ఏదీ సాధించాలన్న ఆలోచనే లేకపోతే నువ్వు అసలు ఏ పనీ చేయలేవు. తిన్నామా, పడుకున్నామా తెల్లారిందా అన్నట్టుగా జీవితం మారిపోతుంది. అలాంటి లైఫ్ బాగుందని నువ్వు అనుకుంటే అది నీ ఛాయిస్. కానీ జీవితం మారాలనుకుంటే ఆలోచన మారాలి.
Details
నువ్వేం ఆలోచిస్తావో అదే నువ్వు
మనమేదైతే ఎక్కువగా ఆలోచిస్తామో మనం అదే అవుతాం. నీకు డబ్బు కావాలనుకుంటే డబ్బెలా సంపాదించాలో ఆలోచిస్తూ ఉండు, మార్గాలు వెతుకు, నీకు డబ్బు వస్తూనే ఉంటుంది. ఒక ఆలోచన మీద నీ మనసును, శరీరాన్ని కేంద్రీకరిస్తే ఆ ఆలోచన నిజమై నీ ముందు కనిపిస్తుంది.
ఎప్పుడైతే ఒక ఆలోచనను మరో ఆలోచన డామినేటి చేసి, రెండూ కొట్లాడుకునే స్థితికి వస్తాయో, అప్పుడు ఆ ఆలోచనల మధ్య జరిగే గొడవను సద్దుమణిగేలా చేయడానికే నీకు సమయం సరిపోతుంది. ఫలితంగా నువ్వు మారకుండా ఎప్పటిలాగే ఉండిపోతావు.
నువ్వు అభివృద్ధి చెందాలంటే, నువ్విప్పుడున్న ప్రపంచం మారాలంటే ఆలోచన మార్చుకోవాలి. దానికి తగినట్టుగా పనిచేయాలి.