పిల్లల పెంపకం: మీ పిల్లలు బయట ఆడుకోవట్లేదా? భవిష్యత్తులో జరిగే ప్రమదాలు ఇవే
ఈ వార్తాకథనం ఏంటి
ప్రస్తుత తరంలో పిల్లలు బయట ఆడుకోవడం బాగా తగ్గిపోయింది. తల్లిదండ్రులు కూడా పిల్లల మీద అతి జాగ్రత్త చూపిస్తూ బయట ఆడుకోవడానికి పంపట్లేదు.
కాలు నేలమీద పడితే కందిపోతాయన్నంత లెవెల్లో పెంచుతున్నారు. ఈ అతి జాగ్రత్త భవిష్యత్తులో పిల్లలకు హాని చేస్తుంది. బయట ఆడుకోవడం వల్ల పిల్లలకు ఎలాంటి లాభాలు ఉంటాయో చూద్దాం.
శరీరం దృఢంగా మారుతుంది:
బయట ఆడుతున్నప్పుడు పరుగెడతారు, కింద పడతారు, దూకుతారు.. ఇలా రకరకాలుగా శరీరాన్ని వంచుతారు. దీనివల్ల శరీరం దృఢంగా మారుతుంది. ఆటలాడటం వల్ల మెదడు చురుగ్గా మారుతుంది.
ఎమోషనల్ స్కిల్స్ వృద్ధి చెందుతాయి:
బయట ఆడటం వల్ల నలుగురు కలుస్తారు. వాళ్లతో మాట్లాడటం వల్ల ఎమోషనల్ విషయాలు అర్థమవుతాయి.
పిల్లల పెంపకం
బయట ఆడటం వల్ల ప్రకృతితో, సమాజంతో పెరిగే సంబంధాలు
సమాజంతో ఎలా ఉండాలో తెలుస్తుంది:
బయట ఆడుకునేటపుడు రకరకాల ఛాలెంజెస్ ఎదురవుతుంటాయి. వాటిని ఎదుర్కొనే క్రమంలో సమాజంతో ఎలా ఉండాలో అర్థమవుతుంది. బేరం చేసే లక్షణాలు, అవతలి వాళ్ళతో ఎలా మాట్లాడాలన్న విషయాలు అర్థమవుతాయి.
నమ్మకం పెరుగుతుంది:
ఆత్మవిశ్వాసం పెరగడం ఇక్కడ ముఖ్యమైన అంశం. అది బయట ఆడుకున్న వాళ్ళలో ఎక్కువగా కనిపిస్తుంటుంది. ఉదాహరణకు పిల్లలు ఆడుతూ పాడుతూ చెట్టు ఎక్కారనుకోండి. ఆ నమ్మకం వారిలో చాలా శక్తినిస్తుంది.
ప్రకృతిలో మమేకం:
బయట ఆడటం వల్ల ప్రకృతితో సంబంధం ఏర్పడుతుంది. చల్లగాలినీ, చల్లని వర్షాన్నీ, ఎండ వేడినీ.. అన్నింటినీ ఆనందించే గుణం పెరుగుతుంది. పెరుగుతున్న సమయంలో ఇవి చాలా అవసరం. జీవితాన్ని ఆనందించాలంటే ప్రకృతితో కొంతలో కొంత సంబంధం ఉండి తీరాల్సిందే.