Motivation: ప్రతి తాళానికి తాళంచెవి ఉంటుంది.. అలాగే ప్రతి సమస్యకూ పరిష్కారమూ ఉంటుంది!
ఈ వార్తాకథనం ఏంటి
మన జీవితంలో ప్రతి ఒక్కరినీ ఓదార్చే మాట.. 'ప్రతి సమస్యకు ఒక పరిష్కారం ఉంటుంది' అని తరచుగా వింటుంటాం. కానీ ఆ మాటను చాలామంది నమ్మలేరు. చిన్న సమస్య వచ్చినా మానసికంగా తట్టుకోలేక, ఆత్మవిశ్వాసం కోల్పోతూ, ఒక్కోసారి తుది నిర్ణయాలు తీసుకునే స్థితికి చేరుతారు. కానీ నిజంగా చూస్తే, ప్రతి కష్టానికి దేవుడు ఓ మార్గాన్ని ముందుగానే ఏర్పరుస్తాడు. మన పని - ఆ మార్గాన్ని గుర్తించడమే. తాళాన్ని తయారుచేసే ముందు ఎవరైనా తాళం చెవిని తయారుచేస్తారు. అదే తరహాలో పరిష్కారాన్ని లేకుండా ఎలాంటి సమస్య ఉండదు. ఎంత క్లిష్టమైన సమస్య అయినా దానికి ఓ తలుపు తప్పకుండా ఉంటుంది. మీరు ఆ తలుపును ఎలా వెతుక్కుంటారన్నదే కీలకం.
Details
విశ్లేషిస్తే సమస్య పరిష్కారం అవుతుంది
సమస్యను బాగంగా విశ్లేషించడం ద్వారా మీరు పరిష్కారానికి చేరువవుతారు. సమస్య ఎందుకు వచ్చిందని తెలుసుకోవడం, దాని మూలాలను అర్థం చేసుకోవడం వల్ల దానికి సరైన దిశలో పరిష్కారం దొరకుతుంది. ఇదే సమయంలో మీలో ఆశ చిగురిస్తుంది. కానీ చాలా మందికి సమస్యలు ఎదురైతే మనోబలాన్ని కోల్పోతారు. తగిన ఆలోచన లేకపోవడంతో ఆవేశపూరిత నిర్ణయాలు తీసుకుంటారు. ఏదైనా సమస్యను అధిగమించాలంటే ముందుగా మన దృక్పథాన్ని మారుస్తే సరిపోతుంది. సానుకూల దృక్పథంతో ఆలోచిస్తే, ఎలాంటి సమస్యయినా చిన్నదిగానే అనిపిస్తుంది. ప్రతికూలతలతో చూస్తే చిన్న సమస్య కూడా విపరీతంగా బాధిస్తుంది.
Details
సమస్యను చూసి ఆగిపోకండి
మన ఆలోచనలు, మన ప్రేరణే మనకి మార్గం చూపించగలదు. దీన్ని అలవాటు చేసుకుంటే, పెద్ద సమస్యలూ సులువుగా పరిష్కరించగలుగుతాం. ప్రతి ఒక్కరీ జీవితంలో సమస్యలు రావడం సహజం. మీరు వాటిని అంగీకరించినా లేకపోయినా, అవి మీపై ప్రభావం చూపుతాయి. ఆ ప్రభావానికి దిగజారి పోకండి. దేవుడు మీ శక్తిని పరీక్షిస్తున్నారని భావించండి. నిజమైన ధైర్యవంతుడు, నిజమైన విజేత ఎవరో అంటే, కష్టకాలంలో నిలబడగలిగినవాడే. మీ జీవిత ప్రయాణంలో ఎదుటికి వచ్చిన సమస్యను చూసి ఆగిపోకండి.
Details
తపనతో ముందుకు సాగితే జీవితం చక్కగా ఉంటుంది
దాన్ని దాటి ముందుకు సాగండి. ఒక సమస్య తీరిన వెంటనే మరొకటి రావడం అనివార్యం. కానీ వాటిని భయపడి చూస్తే, జీవితం భారంగా అనిపిస్తుంది. అదే వాటిని ఒక నేర్పు భాగంగా చూస్తే, మీరు ఒత్తిడిలోనూ సమతుల్యంగా ముందుకు సాగగలుగుతారు. కాబట్టి ఇకనుంచి సమస్య వచ్చినప్పుడు భయపడకండి. దాన్ని ఓ నేర్చుకునే అవకాశం, ఎదుగుదల సాధించే మెట్టిగా చూడండి. ప్రతి సమస్యను పరిష్కరించాలనే తపనతో ముందుకు సాగితే, జీవితం చక్కగా మారుతుంది.