Tourist Places: టూరిస్ట్ వెళ్లాలనుకునేవారికి కోటల నగరం సోన్‌భద్ర బెస్ట్ ప్లేస్.. ఈ అందమైన పర్యాటక ప్రదేశం గురించి తెలుసా..
ఈ వార్తాకథనం ఏంటి
ఉత్తర్‌ప్రదేశ్ పేరు చెప్పగానే అయోధ్య,బనారస్,మధుర గుర్తుకు వస్తాయి.ఇక్కడికి కేవలం భారతదేశం నుంచి మాత్రమే కాకుండా విదేశీ పర్యాటకులు కూడా పెద్ద సంఖ్యలో వస్తుంటారు. UPలోని ఈ ప్రసిద్ధ ప్రదేశాల గురించి చాలా మందికి తెలుసు.అయితే ఇక్కడ మేము మీకు యూపీలోని ఒక ప్రదేశం గురించి చెప్పబోతున్నాం,దీనిని హిడెన్ ట్రావెల్ డెస్టినేషన్ అని కూడా అంటారు. ఈ ఊరి పేరు సోనభద్ర.ఇది UPలోని ఓ చారిత్రక నగరం.రాష్ట్రంలో రెండవ అతిపెద్ద జిల్లా. సోన్ నది పేరు మీదుగా ఈ ప్రాంతానికి సోనభద్ర అని పేరు పెట్టారు. సోనామార్గ్ గురించిన అత్యంత ఆసక్తికరమైన విషయం ఏమిటంటే, మధ్యప్రదేశ్,ఛత్తీస్‌గఢ్,జార్ఖండ్, బీహార్ సరిహద్దులతో అనుసంధానించబడిన ఏకైక రాష్ట్రం యుపి. ఈ చారిత్రక నగరం గురించి ఇప్పుడు తెలుసుకుందాం..
ఉత్తర్‌ప్రదేశ్
5వ శతాబ్దంలో విజయగర్ కోట
ఈ విజయగర్ కోట 5వ శతాబ్దంలో నిర్మించబడింది. ఈ కోట ఎత్తు చూస్తే మీరు ఆశ్చర్యపోతారు. 400 అడుగుల పొడవైన ఈ కోట చుట్టూ కైమూర్ కొండలు ఉన్నాయి. ఈ కోట వద్దకు వస్తే, మీరు విగ్రహాలు, అన్ని రకాల రాళ్లను కూడా చూడవచ్చు. చరిత్రపై ఆసక్తి ఉన్నవారికి ఈ ప్రదేశం చాలా అద్భుతంగా ఉంటుంది. ఇక్కడ 4 చెరువులు కూడా ఉన్నాయి, ఇవి ఏడాది పొడవునా నిండుగా ఉంటాయి.
ముక్కా
ముక్కా జలపాతం
ముక్కా జలపాతంలో మీరు అద్భుతమైన జలపాతాన్ని చూడవచ్చు. ప్రతి సంవత్సరం వేలాది మంది దీనిని చూసేందుకు వస్తుంటారు. స్థానిక ప్రజలు పిక్నిక్‌లు చేసేందుకు ఇక్కడికి వస్తుంటారు. ఈ జలపాతం వర్షాకాలంలో చూడదగినది. వర్షాకాలంలో ఈ ప్రాంతాన్ని సందర్శిస్తే.. ఆ మజానే వేరు. ఇది కాకుండా, మీరు అఘోరీ కోటను కూడా సందర్శించవచ్చు. దీనిని త్రిబార్ కోట అని కూడా అంటారు.
ట్రిప్ ప్లాన్
ఎప్పుడు వెళ్ళాలి.. ఎలా చేరుకోవాలి
అయితే, శీతాకాలంలో సోనభద్రను సందర్శించడం, సరదాగా ఉంటుంది. అయితే మీరు ఏ సీజన్‌లోనైనా ఇక్కడకు వెళ్లవచ్చు. సోన్‌భద్రలో ఉండటానికి, మీకు మీ బడ్జెట్ ప్రకారం గెస్ట్ హౌస్‌లు కూడా ఉంటాయి. అయితే, ఇక్కడ ఎలాంటి లగ్జరీ హోటళ్లను ఆశించవద్దు. మీరు ఫ్లైట్, రైలు లేదా రోడ్డు మార్గం ద్వారా కూడా వెళ్ళవచ్చు. విమానంలో, మొదట బనారస్ విమానాశ్రయానికి వచ్చి ఇక్కడ నుండి సోన్‌భద్రకు వెళ్లండి. రైలులో వెళ్ళడానికి ఇక్కడ సమీప స్టేషన్ మీర్జాపూర్. బనారస్ నుండి మీరు బస్సులో సోనభద్రను సందర్శించవచ్చు.