వైరల్ వీడియో: పాన్ దోస గురించి ఎప్పుడైనా విన్నారా? ఈ వీడియో చూడండి
స్ట్రీట్ ఫుడ్ వెరైటీ కాంబినేషన్స్ వీడియోలు ఈ మధ్య ఇంటర్నెట్ లో వైరల్ అవుతున్నాయి. కొన్నిరోజుల క్రితం పానీపూరీ లో మామిడిరసం వేసుకుని తిన్న వీడియోను వైరల్ అయ్యింది. ఇప్పుడు పాన్ దోస వైరల్ అవుతోంది. ఈ వీడియోలో ఆకుపచ్చని దోసపిండి కనిపిస్తుంది. దీన్ని తమలపాకులు, దోసపిండిని మిక్స్ చేసి తయారు చేస్తారు. దోసపిండిని పెనం మీద వేసి, ఆపై పాన్, ఎండు ద్రాక్ష, చెర్రీస్, అప్రికాట్స్, ఖర్జూరం, అంజీర్ మొదలగు వాటిని దోసమీద వేస్తున్నాడు. ఇప్పుడు పాన్ లో ఉపయోగించే అన్ని రకాల సిరప్ లను దోసమీద వేసేసి కస్టమర్లకు అందిస్తున్నాడు. ఈ వీడియో చూసిన వారందరూ, అసలేంటిదీ.. అని అనుకోకుండా ఉండలేకపోతున్నారు.
పాన్ దోస లొకేషన్ పై నో క్లారిటీ
ఈ వీడియోను హ్యాపీ అనే యూజర్ నేమ్ ఉన్న వ్యక్తి ట్విట్టర్ లో పోస్ట్ చేసాడు. ఈ పాన్ దోస ఎక్కడ తయారు చేస్తున్నారనేది మాత్రం ఈ వీడియోలో వెల్లడి చేయలేదు. ప్రస్తుతం ఈ పాన్ దోసపై నెటిజన్లు స్పందిస్తున్నారు. ఇలాంటి వీడియో ఇంకొకటి నాకు కనిపిస్తే నేను ట్విట్టర్ లోంచి వెళ్ళిపోతాను అని ఒక నెటిజన్ రిప్లై ఇచ్చాడు. అది పాన్ దోసనా లేదంటే రేడియో ఆక్టివ్ దోసనా అని మరో యూజర్ కామెంట్ చేసాడు. నాకు సుఫారీ ఇవ్వకపోయినా నేనా పాన్ దోసను తింటానని ఒక యూజర్ తెలియజేసాడు. అందులో 1శాతం మాత్రమే ఉంది, మిగతాదంతా ఫుడ్ కలర్ అని ఒక పర్సన్ వెలిబుచ్చాడు.
