2,000 ఏళ్ల నాటి కంప్యూటర్.. అవాక్కైన శాస్త్రవేత్తలు!
20వ శతాబ్దంలో ప్రాచీన గ్రీకులు వాడిన ఓ అధునాతన పరికరాన్ని కనుగొన్న శాస్త్రవేత్తలు అవాక్కైయ్యారు. యాంటికిథెరా మెకానిజం, ఒక పురాతన గ్రీకు ఖగోళ కాలిక్యులేటర్ ను, మొదటిసారిగా 2,000 సంవత్సరాల క్రితం ఓడ ప్రమాదంలో కనుగొనబడింది. అసలు యాంటికిథెరా మెకానిజం అంటే ఏమిటి, అది దేనికి ఉపయోగపడుతుందో ఇప్పుడు మనం తెలుసుకుందాం. యాంటికిథెరా మెకానిజం అనేది చేతితో నడిచే పరికరం, సౌర వ్యవస్థ క్లాక్‌వర్క్ మోడల్. ఇది విండ్-అప్ డయల్ సిస్టమ్‌ను కలిగి ఉంది, ఇది చంద్రుడు, సూర్యుడు, ఐదు గ్రహాల స్థానాన్ని చూపడానికి డయల్స్‌ను కలిగి ఉంటుంది, వీటిని కంటితో గుర్తించవచ్చు. ఇది ఇప్పటివరకు కనుగొనబడిన అనలాగ్ కంప్యూటర్‌కు పురాతన ఉదాహరణగా చెప్పొచ్చు.
నేషనల్ ఆర్కియాలజికల్ మ్యూజియంలో యాంటికిథెరా మెకానిజం శకలాలు
యాంటికిథెరా గ్రహణాలను అంచనా వేయడానికి, చంద్రుని దశ, స్థానాన్ని అంచనా వేయడానికి సహాయ పడుతుందని శాస్త్రవేత్తలు భావిస్తున్నారు. 2021లో యూనివర్సిటీ కాలేజ్ లండన్ పరిశోధకులు యాంటికిథెరా మెకానిజం వెనుక ఉన్న రహస్యాన్ని వెలికితీసేందుకు ప్రయత్నించారు. యాంటికిథెరా మెకానిజం శకలాలు నేషనల్ ఆర్కియాలజికల్ మ్యూజియంలో నిల్వ చేశారు. పురాతన సాధనాన్ని పునర్నిర్మించడానికి శాస్త్రవేత్తలు 3D మోడలింగ్‌ను ఉపయోగించారు. ప్రస్తుతం ఏథెన్స్‌లోని నేషనల్ ఆర్కియోలాజికల్ మ్యూజియంలో యాంటికిథెరా మెకానిజానికి సంబంధించి అన్ని భాగాలు లభించనున్నాయి. పురాతన గ్రీకులు ఆ యుగంలో ఇలాంటి అధునాతనమైన సాధనాన్ని ఎలా సృష్టించగలిగారో ఇప్పుడు శాస్త్రవేత్తలకు అంతు చిక్కడం లేదు.
