AI SmartPhone: చైనా మరో సెన్సేషన్.. మీకన్నా వేగంగా పనిచేసే ఏజెంట్ AI స్మార్ట్‌ఫోన్ వచ్చేసింది!

వ్రాసిన వారు Jayachandra Akuri

Dec 07, 2025

09:03 am

ఈ వార్తాకథనం ఏంటి

చైనా మరోసారి ప్రపంచాన్ని ఆశ్చర్యపరిచే వినూత్న ఆవిష్కరణ చేసింది. ఇది కేవలం స్మార్ట్‌ ఫోన్ మాత్రమే కాదు—మీ కోసం స్వయంగా నిర్ణయాలు తీసుకుని పనులు పూర్తి చేసే 'ఏజెంట్ AI ఫోన్'. ప్రపంచంలోనే మొట్టమొదటి పూర్తిస్థాయి ఏజెంట్ ఫోన్‌గా ప్రకటించిన 'నుబియా M153'ను ZTE, బైట్‌డాన్స్‌ (టిక్‌టాక్‌ యాజమాన్య సంస్థ) సంయుక్తంగా అభివృద్ధి చేశాయి. ఈ ఫోన్ వినియోగదారుడి మాటలు విని, అర్థం చేసుకుని, స్వయంగా యాప్‌లు తెరవడం, చెల్లింపులు చేయడం, హోటల్ బుకింగ్‌లు చేయడం, ఇతర రోబోట్‌లతో కమ్యూనికేట్ చేయడం వరకు సామర్థ్యాలు కలిగివుంది.

Details

ఈ ఫోన్ ఏమి చేయగలదు?

ఇండియన్ ఎక్స్‌ప్రెస్ నివేదిక ప్రకారం, బైట్‌డాన్స్ డౌబావో AIను నుబియా M153 మొత్తం సిస్టమ్‌లో లోతుగా విలీనం చేసింది. ఇది సాధారణ వాయిస్ అసిస్టెంట్ కాదనే విషయం ఇదే నిరూపిస్తుంది.

ఫోన్‌ స్క్రీన్‌ను చూసి, యాప్‌లు స్వయంగా ఓపెన్ చేయడం, టైప్ చేయడం, బటన్‌లను క్లిక్ చేయడం, పూర్తిగా ఆటోమేటెడ్‌గా వినియోగదారుడి పనులను పూర్తి చేయడం ఈ AIకు సాధ్యం.

మీరు "నాకు హోటల్ కావాలి" లేదా "నాకు పానీయం కావాలి" అని చెప్పగానే, దానికి తగిన యాప్‌ను చురుకుగా ఓపెన్ చేసి అవసరమైన ప్రక్రియను ప్రారంభిస్తుంది.

Details

వ్యాపారవేత్త టేలర్ ఓగన్ షేర్ చేసిన రియల్-వర్డ్ డెమో

షెన్‌జెన్‌కు చెందిన టేలర్ ఓగన్ ఈ ఫోన్‌ పనితీరును చూపిస్తూ వీడియో పోస్ట్ చేశాడు.

అతను "ఆసుపత్రిలో లైన్‌లో నిలబడటానికి ఎవరో కావాలి" అని చెప్పగానే, ఫోన్ వెంటనే సరైన యాప్‌ను తెరిచి, లొకేషన్ సెట్ చేసి, ధర నమోదు చేసి, పని పూర్తిచేసింది.

ఏ యాప్ ఇది చేస్తుందో నాకు తెలియదు, ఫోన్ దానంతట అదే చేసిందని టేలర్ చెప్పారు.

హోటల్ బుకింగ్‌లో చూపించిన అద్భుత సామర్థ్యం

టేలర్ ఒక హోటల్ బయట ఫోటో తీసి, "నేను నా కుక్కతో ఇక్కడే ఉండాలి" అని చెప్పాడు.

ఫోన్ వెంటనే: చిత్రంలోని హోటల్‌ని గుర్తించింది

Details

అద్భుతాలను సృష్టించగలదు

బుకింగ్ యాప్ ఓపెన్ చేసింది

నేటి తేదీ ఎంటర్ చేసింది

అతి చౌకైన గది సెర్చ్ చేసింది

పెంపుడు జంతువులను అనుమతిస్తారో లేదో చెక్ చేసింది

చివరకు బుకింగ్‌ను పూర్తిచేసింది

దీనితో ఆగకుండా, "నాకు రోబో టాక్సీ కావాలి" అన్నాక, ఫోన్:

లొకేషన్‌ను గుర్తించింది

ఆ ప్రాంతంలో పనిచేసే టాక్సీ సర్వీస్ ఏదో గుర్తించింది

యాప్ ఓపెన్ చేసింది

కారు బుక్ చేసింది తర్వాత అతను "డ్రాప్ లొకేషన్ మార్చు" అని చెప్పగానే,

ఫోన్ యాప్‌లోకి తిరిగి వెళ్లి అడ్రస్ మార్చి డ్రైవర్‌కి వివరాలు పంపించింది.

Details

ఈ ఫోన్‌లోని రెండు ప్రధాన AI వ్యవస్థలు

1. డౌబావో AI - ఏం చేయాలో ఆలోచిస్తుంది, నిర్ణయాలు తీసుకుంటుంది

2. నెబ్యులా-GUI చిన్న మెదడు

స్క్రీన్‌పై క్లిక్ చేస్తుంది

టైప్ చేస్తుంది

యాప్‌లను ఆపరేట్ చేస్తుంది

గోప్యతను రక్షిస్తుంది

పనిని వేగవంతంగా పూర్తి చేస్తుంది

ప్రాసెసర్, హార్డ్‌వేర్

నుబియా M153లో తాజా Snapdragon 8 Elite చిప్, 16GB RAM కలిగి ఉంది—అంటే భారీ AI ఆపరేషన్ల్ని కూడా సులభంగా నిర్వహించగలదు.